അബുദാബി: യുഎഇയിലെ മറ്റ് എമിറേറ്റുകളിൽ നിന്നും അബുദാബിയിലേക്ക് പ്രവേശിക്കുന്നതിന് ഏർപ്പെടുത്തിയിരുന്ന നിയന്ത്രണങ്ങൾ നീക്കി. അബുദാബിയിലേക്ക് പ്രവേശിക്കുന്നതിന് മറ്റ് എമിറേറ്റുകളിൽ ഉള്ള ആളുകൾ കോവിഡ് പിസിആർ പരിശോധന ഫലം ഹാജരാക്കണമെന്ന നിയന്ത്രണമാണ് നിലവിൽ നീക്കിയത്.
ഇളവ് നൽകിയ സാഹചര്യത്തിൽ നാളെ മുതൽ ദുബായ് ഉൾപ്പടെയുള്ള എമിറേറ്റുകളിൽ നിന്നും പിസിആർ പരിശോധന നടത്താതെ അബുദാബിയിലേക്ക് പ്രവേശിക്കാൻ സാധിക്കും. നിലവിൽ കഴിഞ്ഞ ഒന്നര വർഷത്തിന് ശേഷമാണ് നിയന്ത്രണങ്ങൾ ഇല്ലാതെ അബുദാബിയിലേക്ക് പ്രവേശനം അനുവദിക്കുന്നത്.
കോവിഡ് വ്യാപന നിരക്ക് കുറഞ്ഞതിനെ തുടർന്നാണ് ഇപ്പോൾ ഇളവ് നൽകാൻ തീരുമാനിച്ചതെന്ന് ദേശീയ ദുരന്ത നിവാരണ സമിതി വ്യക്തമാക്കി. അതേസമയം യുഎഇക്ക് പുറത്തു നിന്നും അബുദാബി വിമാനത്താവളത്തിൽ എത്തുന്നതിന് യാത്രക്കാർ കോവിഡ് പിസിആർ പരിശോധന ഫലം നിർബന്ധമായും കയ്യിൽ കരുതണമെന്നും അധികൃതർ വ്യക്തമാക്കി.
Read also: കനയ്യ കുമാറിന്റെ കോൺഗ്രസ് പ്രവേശനം; വ്യാജ പ്രചാരണമെന്ന് പന്ന്യൻ രവീന്ദ്രൻ