തിരുവനന്തപുരം: വർക്കല താലൂക്ക് ആശുപത്രിയിലെ നഴ്സിംഗ് ഓഫിസർ കോവിഡ് ബാധിച്ചു മരിച്ചു. കല്ലറയിലെ പ്രാഥമികാരോഗ്യ കേന്ദ്രത്തിൽ ഡ്യൂട്ടി ചെയ്തു വരുന്നതിനിടെയാണ് വർക്കല താലൂക്കാശുപത്രിയിലെ നഴ്സിംഗ് ഓഫിസർ സരിത കോവിഡ് ബാധിച്ചു മരിച്ചത്. 52 വയസായിരുന്നു.
ഇന്നലെയാണ് ഇവർക്ക് കോവിഡ് സ്ഥിരീകരിച്ചത്. ഇതോടെ വീട്ടിൽ വിശ്രമത്തിലായിരുന്നു. ഇന്നലെ രാത്രിയിൽ മരണം സംഭവിച്ചിരിക്കാം എന്നാണ് പ്രാഥമിക നിഗമനം. ഇന്ന് രാവിലെയാണ് ഇവരെ മരണപ്പെട്ടതായി കണ്ടതെന്നും ആരോഗ്യവകുപ്പ് അധികൃതർ അറിയിച്ചു.
താലൂക്കാശുപത്രിയിൽ ജോലി ചെയ്തു വരുന്നതിനിടെ കല്ലറയിൽ പുതുതായി തുടങ്ങിയ സിഎഫ്എൽടിസിയിൽ സരിതക്ക് ഡ്യൂട്ടി ലഭിക്കുകയും അവിടേക്ക് മാറുകയും ആയിരുന്നു. സരിതയെ കൂടാതെ വർക്കലയിലെ നിരവധി ആരോഗ്യ പ്രവർത്തകർക്ക് നിലവിൽ കോവിഡ് സ്ഥിരീകരിച്ചിട്ടുണ്ട്.
Most Read: കൈക്കൂലി കേസിൽ ഒളിവിൽ പോയ ഉദ്യോഗസ്ഥൻ തിരികെ ജോലിയിൽ; നാടകീയം