ന്യൂഡെൽഹി: രാജ്യത്തെ കോവിഡ് സാഹചര്യം വിലയിരുത്താൻ പ്രധാനമന്ത്രി നരേന്ദ്രമോദിയുടെ നേതൃത്വത്തിൽ ഉന്നതതല യോഗം ചേരുന്നു. പതിനൊന്ന് മണിക്കാണ് യോഗം ആരംഭിച്ചത്. കോവിഡ് സാഹചര്യത്തിനും വാക്സിനേഷനും ഒപ്പം സംസ്ഥാനങ്ങളിലെ പ്രകൃതിക്ഷോഭങ്ങളും ചർച്ച ചെയ്യാനാണ് യോഗം വിളിച്ചു കൂട്ടിയത്.
അതേസമയം രാജ്യത്ത് ഇന്നും മൂന്ന് ലക്ഷത്തിലേറെ കോവിഡ് കേസുകൾ റിപ്പോർട് ചെയ്യപ്പെട്ടു. 3,26,098 പുതിയ കോവിഡ് കേസുകളാണ് 24 മണിക്കൂറിനിടെ ഉണ്ടായത്. 3,890 പേർ രോഗബാധിതരായി മരിച്ചതായും ഔദ്യോഗിക കണക്കുകൾ വ്യക്തമാക്കുന്നു. വാക്സിൻ വിതരണവുമായി ബന്ധപ്പെട്ട വിഷയങ്ങൾ ചർച്ച ചെയ്യാൻ ആരോഗ്യമന്ത്രി ഹർഷ വർദ്ധൻ സംസ്ഥാന ആരോഗ്യമന്ത്രിമാരുടെ യോഗം വിളിച്ചു ചേർക്കുമെന്ന് റിപ്പോർട്ടുകളുണ്ട്.
Read Also: ആറ് തരം വാക്സിനുകളെ കൂടി കോവിഡ് വാക്സിനേഷന് പദ്ധതി രൂപരേഖയില് ഉള്പ്പെടുത്തി ഇന്ത്യ