ആലപ്പുഴ: 2015 മുതൽ 2021 ഫെബ്രുവരി വരെ സംസ്‌ഥാനത്ത് കസ്‌റ്റംസ്‌ പിടിച്ചെടുത്തത് 1,327 കിലോ സ്വർണം. 2019-20 കാലയളവിൽ മാത്രം 533.91 കിലോ സ്വർണം പിടികൂടി. വിവരാവകാശ പ്രവർത്തകൻ രാജു വാഴക്കാലക്ക് ലഭിച്ച മറുപടിയിലാണ് വിവരങ്ങളുള്ളത്. 2019-20 കാലയളവിൽ രജിസ്‌റ്റർ ചെയ്‌തത്‌ 2,224 കേസുകളാണ്. വിമാനത്താവളത്തിൽ നിന്നും അല്ലാതെയും കസ്‌റ്റംസ്‌ പിടികൂടിയ കേസുകളാണ് ഇവ.
കണക്കുകൾ പരിശോധിച്ചാൽ കഴിഞ്ഞ 6 വർഷത്തിനിടയിൽ 2019-20 കാലയളവിലാണ് ഏറ്റവുമധികം കേസുകൾ രജിസ്‌റ്റർ ചെയ്‌തിരിക്കുന്നതും കൂടുതൽ സ്വർണം പിടികൂടിയിരിക്കുന്നതും. 2020-21 കാലയളവിൽ 410 കേസുകൾ രജിസ്‌റ്റർ ചെയ്‌തിട്ടുണ്ട്‌. 2018-19 (638 കേസുകൾ), 2017-18 (242 കേസുകൾ), 2016-17 (66 കേസുകൾ), 2015-16 (69 കേസുകൾ) എന്നിങ്ങനെയാണ് രജിസ്‌റ്റർ ചെയ്‌ത കേസുകളുടെ എണ്ണം.
Read also: അഴിമതിയുടെ ക്യാപ്റ്റനാണ് പിണറായി വിജയൻ; രണ്‍ദീപ്‌സിങ് സുര്‍ജേവാല
