കരിപ്പൂർ സ്വർണക്കടത്ത്; ടിപി കേസ് പ്രതി മുഹമ്മദ് ഷാഫിയെ ഇന്ന് ചോദ്യം ചെയ്യും

By Team Member, Malabar News
Mohammad Shafi
മുഹമ്മദ് ഷാഫി

തിരുവനന്തപുരം : കരിപ്പൂർ സ്വർണക്കടത്ത് കേസിൽ ടിപി വധക്കേസ് പ്രതി മുഹമ്മദ് ഷാഫിയെ ഇന്ന് കസ്‌റ്റംസ്‌ ചോദ്യം ചെയ്യും. സ്വർണം കടത്തുന്നതിന് ഷാഫിയുടെ സഹായം ലഭിച്ചുവെന്ന് അർജുൻ ആയങ്കി വ്യക്‌തമാക്കിയിരുന്നു. ഇതിന്റെ അടിസ്‌ഥാനത്തിലാണ്‌ ഇപ്പോൾ ഷാഫിയെ ചോദ്യം ചെയ്യാൻ ഒരുങ്ങുന്നത്.

ഈ മാസം 6ആം തീയതി ചോദ്യം ചെയ്യലിനായി ഹാജരാകാൻ ഷാഫിക്ക് നോട്ടീസ് നൽകിയെങ്കിലും അന്ന് ഹാജരായിരുന്നില്ല. തുടർന്ന് തൊട്ടടുത്ത ദിവസം ഹാജരായെങ്കിലും ഷാഫിയെ ഉദ്യോഗസ്‌ഥർ പറഞ്ഞയക്കുകയായിരുന്നു. കൂടാതെ അർജുൻ ആയങ്കിയുടെ ഭാര്യ അമലയുടെ മൊഴിയും ഇന്ന് കസ്‌റ്റംസ്‌ രേഖപ്പെടുത്തും. മൊഴിയിൽ വൈരുദ്ധ്യം നിലനിൽക്കുന്നതിനാലാണ് അമലയെ വീണ്ടും വിളിച്ചു വരുത്തുന്നത്. ഇതിലൂടെ അന്വേഷണ സംഘത്തിന് ലഭിച്ച ഡിജിറ്റൽ തെളിവുകളിൽ വ്യക്‌തത ഉണ്ടാക്കുകയാണ് ലക്ഷ്യം.

അതേസമയം തന്നെ സിം കാർഡുകൾ എടുത്തുനൽകിയ പാനൂർ സ്വദേശിയായ സക്കീനയുടെ മൊഴിയും അന്വേഷണ സംഘം രേഖപ്പെടുത്തും. കൂടാതെ സൂഫിയാൻ അടക്കമുള്ള പ്രതികളെ കസ്‌റ്റഡിയിൽ ലഭിക്കുന്നതിനായി കസ്‌റ്റംസ്‌ ഇന്ന് മഞ്ചേരി കോടതിയിൽ അപേക്ഷ സമർപ്പിക്കും.

Read also : എരമരം കുറ്റൂർ പഞ്ചായത്തിൽ നിയന്ത്രണം തുടരും, നിർദ്ദേശം പാലിച്ചില്ലെങ്കിൽ കർശന നടപടി

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE