മലപ്പുറം: നിലമ്പൂര്‍ പോത്തുകല്ലില്‍ തൂങ്ങി മരിച്ച അമ്മയുടെയും മൂന്ന് മക്കളുടെയും വീട്ടില്‍ നിന്ന് പോലീസ് ആത്‍മഹത്യ കുറിപ്പ് കണ്ടെത്തി. മരണത്തില്‍ മറ്റാര്‍ക്കും ഉത്തരവാദിത്തം ഇല്ലെന്നും കുട്ടികളെ കൊണ്ടുപോകുന്നു എന്നും കുറിപ്പില്‍ ഉള്ളതായി പോലീസ് അറിയിച്ചു. കുടുംബ പ്രശ്‌നങ്ങളാവാം ആത്‍മഹത്യയിലേക്ക് നയിച്ചതെന്നാണ് പോലീസിന്റെ പ്രാഥമിക നിഗമനം.
മുതുപുരേടത്ത് വിനേഷ് ശ്രീധരന്റെ ഭാര്യ രഹ്‌ന (35) മക്കളായ ആദിത്യന്‍ (12), അനന്തു (11), അര്‍ജുന്‍( 8) എന്നിവരാണ് മരിച്ചത്. കഴിഞ്ഞ ദിവസമാണ് ഇവരെ വീടിനുള്ളില്‍ തൂങ്ങി നില്‍ക്കുന്ന നിലയില്‍ കണ്ടെത്തിയത്. സംഭവം നടക്കുമ്പോള്‍ ടാപ്പിംഗ് തൊഴിലാളിയായ രഹ്‌നയുടെ ഭര്‍ത്താവ് വിനേഷ് കണ്ണൂര്‍ ഇരിക്കൂറിലായിരുന്നു. മഞ്ചേരി മെഡിക്കല്‍ കോളജിലുള്ള മൃതദേഹങ്ങളുടെ പോസ്‌റ്റ്മോര്‍ട്ടം ഇന്ന് നടക്കും.
Read Also: ചാവക്കാട് എസ്എഫ്ഐ പ്രവര്‍ത്തകര്‍ക്ക് നേരെ ആക്രമണം
അതേസമയം 3 കുട്ടികളെ ഒരുമിച്ച് എങ്ങനെ കയറില്‍ കുരുക്കി, കുട്ടികള്‍ക്ക് മറ്റെന്തെങ്കിലും നല്‍കിയിരുന്നോ, ആത്‍മഹത്യ എങ്ങനെ നടന്നു തുടങ്ങിയ കാര്യങ്ങളില്‍ അന്വേഷണ സംഘത്തിന് ഇനിയും വ്യക്‌തത വന്നിട്ടില്ല. പോസ്‌റ്റ്മോര്‍ട്ടം പൂര്‍ത്തിയാകുന്നതോടെ ഇക്കാര്യങ്ങള്‍ തെളിയും എന്നാണ്‌പോലീസ് കരുതുന്നത്.
