തിരുവനന്തപുരം : ഇത്തവണത്തെ കേരള രാജ്യാന്തര ചലച്ചിത്രമേളയുടെ ഡെലിഗേറ്റഡ് രജിസ്‌ട്രേഷൻ ഇന്ന് മുതൽ ആരംഭിക്കും. സംസ്ഥാനത്ത് നടക്കുന്ന 25മത് രാജ്യാന്തര ചലച്ചിത്രമേളയാണ് ഇത്തവണത്തേത്. ഇന്ന് രാവിലെ 10 മണി മുതൽ ആളുകൾക്ക് ഐഎഫ്എഫ്‌കെയുടെ വെബ്‌സൈറ്റിലൂടെ രജിസ്‌ട്രേഷൻ നടത്താവുന്നതാണ്. കൂടാതെ നേരത്തെ രജിസ്‌ട്രേഷൻ നടത്തിയ ആളുകൾക്ക് ലോഗ് ഇൻ ഐഡി ഉപയോഗിച്ച് ലോഗിൻ ചെയ്യാനും സാധിക്കുമെന്ന് അധികൃതർ വ്യക്‌തമാക്കി.
കോവിഡ് വ്യാപനം സംസ്ഥാനത്ത് നിലനിൽക്കുന്ന സാഹചര്യത്തിൽ 4 ഇടങ്ങളിൽ വച്ചാണ് ഇത്തവണ ചലച്ചിത്രമേള സംഘടിപ്പിക്കുന്നത്. തിരുവനന്തപുരം, പാലക്കാട്, എറണാകുളം, തലശേരി എന്നിവിടങ്ങളിലാണ് ഇത്തവണ പ്രദർശനം ഉണ്ടായിരിക്കുക. ഒരാൾക്ക് ഇവയിൽ ഏതെങ്കിലും ഒരു സ്‌ഥലത്ത് നടക്കുന്ന പ്രദർശനത്തിന് വേണ്ടി മാത്രമേ രജിസ്‌റ്റർ ചെയ്യാൻ സാധിക്കുകയുള്ളൂ. 750 രൂപയാണ് പൊതുവിഭാഗത്തിനുള്ള ഡെലിഗേറ്റഡ് ഫീസ്. കൂടാതെ വിദ്യാർഥികൾക്ക് 400 രൂപയാണ് ഡെലിഗേറ്റഡ് ഫീസായി ഈടാക്കുന്നത്.
Read also : തിരഞ്ഞെടുപ്പ്; 141 പോലീസ് ഉദ്യോഗസ്‌ഥർക്ക്‌ സ്‌ഥലം മാറ്റം
