തെലങ്കാന: കോവിഡ് ഭീതി നിലനിൽക്കെ സ്‌കൂളിൽ എത്താൻ വിദ്യാർഥികളിൽ സമ്മർദ്ദം ചെലുത്തരുതെന്ന് തെലങ്കാന ഹൈക്കോടതി. കുട്ടികളെ നിർബന്ധിക്കരുതെന്ന് രക്ഷിതാക്കൾക്കും കോടതി നിർദ്ദേശം നൽകി. സംസ്‌ഥാനത്ത് നാളെ സ്‌കൂൾ തുറക്കാനിരിക്കെയാണ് കോടതിയുടെ നിരീക്ഷണം.
റെസിഡെന്‍ഷ്യല്‍ സ്‌കൂളുകളും ഹോസ്‌റ്റലുകളും തുറക്കാനുള്ള സര്‍ക്കാര്‍ തീരുമാനം കോടതി സ്‌റ്റേ ചെയ്‌തിരുന്നു. സെപ്‌റ്റംബർ ഒന്ന് മുതല്‍ എല്ലാ സ്‌കൂളുകളും അംഗന്‍വാടികളും കോളേജുകളും തുറക്കാനാണ് അനുമതി നൽകിയിരിക്കുന്നത്.
സ്‌കൂള്‍ തുറക്കുന്നതിന് അധികൃതർ മാർഗനിർദ്ദേശങ്ങൾ പ്രസിദ്ധപ്പെടുത്തണമെന്നും കോടതി ആവശ്യപ്പെട്ടു. സെപ്‌റ്റംബർ- ഒക്‌ടോബർ മാസത്തോടെ മൂന്നാം തരംഗം ഉണ്ടാകുമെന്ന വിവരം ചൂണ്ടിക്കാട്ടിയ കോടതി, സ്‌കൂള്‍ തുറന്നാല്‍ വിദ്യാര്‍ഥികള്‍ ഹാജാരാകാതിരിക്കാന്‍ സാധ്യതയുള്ളതായും വ്യക്‌തമാക്കി. ക്‌ളാസുകൾ ഓഫ്‌ലൈനായി നടത്തണോ ഓൺലൈൻ ക്‌ളാസ്‌ തുടരണോ എന്നുള്ളത് സ്‌കൂളുകള്‍ക്ക് തീരുമാനിക്കാമെന്നാണ് കോടതി പറഞ്ഞത്.
ഓഫ്‌ലൈന്‍ ക്‌ളാസ്‌ തുടങ്ങാത്തതിന് കുട്ടികള്‍ക്കും, രക്ഷിതാക്കള്‍ക്കും അധ്യാപകര്‍ക്കുമെതിരെ നടപടിയെടുക്കരുതെന്നും കോടതി നിര്‍ദേശിച്ചു. സ്‌കൂളുകള്‍ തുറക്കുന്നതുമായി ബന്ധപ്പെട്ട് സര്‍ക്കാര്‍ സ്വകാര്യ സ്‌കൂളുകളുമായി കൂടിയാലോചിച്ചില്ലെന്ന ഹരജി പരിഗണിക്കവേ ആയിരുന്നു കോടതിയുടെ പരാമർശം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
