ന്യൂയോര്ക്ക്: തിങ്കളാഴ്ച പുലര്ച്ചെ നടന്ന യുഎസ് ഓപ്പണ് 2020 ഫൈനലില് ഐതിഹാസിക വിജയവുമായി ഓസ്ട്രിയന് താരം ഡൊമിനിക് തീം. ആദ്യമായി ഗ്രാന്ഡ്സ്ലാം ഫൈനലില് എത്തിയ ജര്മ്മന് താരമായ അലക്സാണ്ടര് സ്വെറേവിനെ പരാജയപ്പെടുത്തിയാണ് ഡൊമിനിക് തീമിന്റെ വിജയം. നാല് മണിക്കൂര് അഞ്ച് മിനിറ്റ് നീണ്ടുനിന്ന ഫൈനലില് രണ്ട് സെറ്റുകള്ക്ക് പിന്നില് നിന്നിരുന്ന തീം ഗംഭീര തിരിച്ച് വരവ് നടത്തിയാണ് കിരീടം നേടിയത്. സ്കോര്: 2-6 4-6 6-4 6-3 7-6.
ഇതോടെ 71 വര്ഷത്തിനിടെ, ഫൈനലില് ആദ്യ രണ്ട് സെറ്റുകള് പരാജയപ്പെട്ട് യുഎസ് ഓപ്പണ് നേടുന്ന ആദ്യ വ്യക്തിയായി മാറിയിരിക്കുകയാണ് 27 കാരനായ ഈ ഓസ്ട്രിയന് താരം.
AN ALL-TIME COMEBACK!
DOMINIC THIEM IS YOUR 2020 #USOPEN CHAMPION ? pic.twitter.com/HEOYT41ACh
— US Open Tennis (@usopen) September 14, 2020
‘എവിടെ നിന്ന് ആരംഭിക്കണമെന്ന് എനിക്കറിയില്ല. ഡൊമിനിക്കിനെ അഭിനന്ദിക്കാന് ഞാന് ആഗ്രഹിക്കുന്നു. ഇത് ഒരു കടുത്ത യുദ്ധമായിരുന്നു’ മത്സരത്തിന് ശേഷം സ്വെരേവ് പറഞ്ഞു. കൂടാതെ തന്നോടൊപ്പം നിന്ന ടീമിനും മാതാപിതാക്കള്ക്കും നന്ദി അറിയിക്കുന്നതായി സ്വെരേവ് കൂട്ടിച്ചേര്ത്തു. കഴിഞ്ഞ രണ്ട് വര്ഷം ഒട്ടും എളുപ്പമായിരുന്നില്ല എന്നും ഒരു നാള് കപ്പ് ഉയര്ത്തും എന്ന പ്രതീക്ഷയും അദ്ദേഹം പങ്കുവെച്ചു.
It’s Dominic Thiem’s moment.
The point that made him a Grand Slam champion ? pic.twitter.com/uYMplH3TF7
— US Open Tennis (@usopen) September 14, 2020
2014 ല് നൂറാം സ്ഥാനത്തോ മറ്റോ ആയിരിക്കുമ്പോള് ആണ് തങ്ങള് ഇരുവരും പരസ്പരം അറിയാന് തുടങ്ങിയതെന്നും പിന്നീട് ബന്ധം പലതരത്തിലും വളര്ന്നതായും തീം അഭിപ്രായപ്പെട്ടു. ഇത്രത്തോളംഎത്തി നില്ക്കുന്ന യാത്ര അതിശയകരം ആണെന്നും അദ്ദേഹം കൂട്ടിച്ചേര്ത്തു.