തിരുവനന്തപുരം: പുതിയ മന്ത്രിസഭയുടെ സത്യപ്രതിജ്‌ഞാ ചടങ്ങ് ലളിതമായി നടത്തണമെന്ന് കഴക്കൂട്ടത്തെ കോൺഗ്രസ് സ്‌ഥാനാർഥി ആയിരുന്ന ഡോ. എസ്എസ് ലാൽ. സംസ്‌ഥാനത്ത്‌ ഭരണമാണ് വേണ്ടതെന്നും അതിന് ലളിതമായ സത്യപ്രതിജ്‌ഞാ ചടങ്ങുകൾ മതിയെന്നും അദ്ദേഹം ഫേസ്‌ബുക്കിൽ കുറിച്ചു.
സത്യപ്രതിജ്‌ഞ സെൻട്രൽ സ്‌റ്റേഡിയത്തിൽ ആഘോഷമാക്കി നടത്താനുള്ള ശ്രമങ്ങൾ ജനവിരുദ്ധമാണ്. കോവിഡ് വ്യാപകമായി പടർന്ന് എല്ലായിടത്തും മരണങ്ങൾ സംഭവിക്കുകയാണ്. സർക്കാരിന് നാട്ടുകാരോടാണ് കടപ്പാടെങ്കിൽ ആഘോഷ ആഭാസത്തിന് കൂട്ടുനിൽക്കരുതെന്നും ലാൽ ആവശ്യപ്പെട്ടു.
‘തൊഴിലില്ലാതെ ലക്ഷക്കണക്കിന് കുടുംബങ്ങൾ പട്ടിണിയിലാണ്. മരിച്ചവരുടെ ശരീരവുമായി ബന്ധുക്കൾ ശ്‌മശാനങ്ങളിൽ കാത്തുനിൽക്കുകയാണ്. കേരളം ഒരു മരണവീടാണ്, ഇവിടെ ആഘോഷം നടത്തരുത്’- അദ്ദേഹം കൂട്ടിച്ചേർത്തു.
Also Read: മഴ കനക്കുന്നു; തെക്കൻ ജില്ലകളിൽ പിൻവലിച്ച റെഡ് അലർട് വീണ്ടും പ്രഖ്യാപിച്ചു
