കൊല്ലം: ജില്ലയിൽ മങ്കിപോക്സ് ബാധിച്ച രോഗി സഞ്ചരിച്ച കാർ ഡ്രൈവറെ കണ്ടെത്തി. ഇന്ന് രാവിലെയോടെയാണ് കാർ ഡ്രൈവറെ കണ്ടെത്തിയത്. രോഗബാധിതനായ ആളുടെ സഹോദരൻ നൽകിയ വിവരങ്ങളുടെ അടിസ്ഥാനത്തിലാണ് ഡ്രൈവറെ കണ്ടെത്തിയത്.
കൊല്ലത്ത് നിന്ന് തിരുവനന്തപുരം മെഡിക്കല് കോളേജ് ആശുപത്രിയിലേക്ക് ടാക്സിയിലാണ് രോഗി എത്തിയത്. തുടർന്ന് പോലീസ് ഡ്രൈവറെ കണ്ടെത്താനായി അന്വേഷണം നടത്തിയിരുന്നു. അതേസമയം രോഗിയുമായി സഞ്ചരിച്ച രണ്ട് ഓട്ടോ ഡ്രൈവര്മാരെയും ഇന്നലെ കണ്ടെത്തിയിരുന്നു.
രോഗിയുടെ വീട്ടില് നിന്നും കൊല്ലത്തെ സഹകരണ ആശുപത്രിയിലേക്ക് പോയ ഓട്ടോ ഡ്രൈവറെയും, ആശുപത്രിയില് നിന്ന് കൊല്ലം ബസ് സ്റ്റാന്റിലേക്ക് പോയ ഡ്രൈവറെയുമാണ് ഇന്നലെ കണ്ടെത്തിയത്. ഇവർ നിലവിൽ ആരോഗ്യവകുപ്പിന്റെ നിരീക്ഷണത്തിൽ കഴിയുകയാണ്. കൂടാതെ നിലവിൽ സംസ്ഥാനത്തെ എല്ലാ ജില്ലകളിലും മങ്കിപോക്സ് ജാഗ്രതാ നിർദ്ദേശം നൽകിയിട്ടുണ്ട്.
Read also: ഡെൽഹിയിൽ ഗോഡൗണിന്റെ ചുമരിടിഞ്ഞ് വീണ് അഞ്ച് മരണം; രണ്ടുപേർ അറസ്റ്റിൽ