കുവൈത്ത് സിറ്റി: രാജ്യത്ത് റോഡ് സുരക്ഷ ശക്‌തമാക്കുന്നതിന്റെ ഭാഗമായി ഡ്രോണുകളുടെ സേവനം ഉപയോഗിക്കാന്‍ ട്രാഫിക് അതോറിറ്റി തീരുമാനം എടുത്തതായി റിപ്പോര്‍ട്ടുകള്‍.
കഴിഞ്ഞ കുറച്ചു ദിവസങ്ങളായി ട്രാഫിക് പോലീസ് ഇതുമായി ബന്ധപ്പെട്ട പരീക്ഷണങ്ങള്‍ തുടര്‍ച്ചയായി നടത്തുകയും ഇവ വലിയ രീതിയില്‍ വിജയമാവുകയും ചെയ്‌തതായി അല്‍ ജാരിദ പത്രം റിപ്പോര്‍ട്ട് ചെയ്‌തു.
ആള്‍ക്കൂട്ടങ്ങള്‍, അശ്രദ്ധമായി വാഹനം ഓടിക്കല്‍, മറ്റ് ഗതാഗത നിയമലംഘനങ്ങള്‍ എന്നിവ കണ്ടെത്താനാണ് ഡ്രോണുകളുടെ സഹായം തേടിയത്. ഈ ആഴ്‌ച ആദ്യം നടന്ന പരീക്ഷണത്തില്‍ അല്‍ വഫ്ര മേഖലയില്‍ മൂന്ന് സ്‌പോര്‍ട്‌സ് കാറുകള്‍ അപകടകരമായ രീതിയില്‍ അഭ്യാസ പ്രകടനങ്ങള്‍ നടത്തുന്നത് കണ്ടെത്തി.
ഇത്തരം നിയമലംഘനങ്ങള്‍ തെളിവ് സഹിതം പിടികൂടാം എന്നതാണ് ഇതിന്റെ സവിശേഷത. ഇവര്‍ മൂന്ന് പേരും ഞായറാഴ്‍ച ട്രാഫിക് കേസുകള്‍ കൈകാര്യം ചെയ്യുന്ന കോടതിയില്‍ ഹാജരാകും. ഡ്രോണുകളില്‍ നിന്ന് ലഭിച്ച ദൃശ്യങ്ങള്‍ തെളിവായി ഹാജരാക്കും.
Read Also: അമിത് ഷാക്കെതിരെ ആരോപണം ഉന്നയിച്ച മുൻ ഉദ്യോഗസ്‌ഥന്റെ വീട്ടിലും എൻഐഎ റെയ്‌ഡ്
