മലപ്പുറം: ജില്ലയിലെ നിലമ്പൂരിലെ ഗോത്രവര്‍ഗ മേഖലയിലെ ഉപരിപഠത്തിന് അര്‍ഹരായ വിദ്യാർഥികൾക്കും മറ്റ് പിന്നാക്കം നില്‍ക്കുന്ന കുട്ടികള്‍ക്കും പ്രചോദനവും സഹായങ്ങളും നല്‍കി അധ്യാപനത്തിനപ്പുറം സാമുഹ്യ സേവന രംഗത്ത് പ്രവര്‍ത്തിക്കുന്ന ഹാരിസ് മാഷിന് കേരള മുസ്‌ലിം ജമാഅത്തിന്റെ പുരസ്‌കാരം.
ഇന്ദിരാ ഗാന്ധി മെമ്മോറിയല്‍ മോഡല്‍ റെസിഡന്‍ഷ്യല്‍ സ്‌കൂളിലെ അധ്യാപകനാണ് കെപി ഹാരിസ് മാസ്‌റ്റർ എന്ന ഹാരിസ് മാഷ്. സാധാരണ പ്ളസ് ടു കഴിഞ്ഞു കാടിന്റെ ഉള്ളറകളിലേക്ക് മടങ്ങി അവരവരുടെ പരമ്പരാഗത തൊഴിലുകളിൽ ഏർപ്പെടുന്ന ഗോത്രവർഗ വിദ്യാർഥികളെ ഉന്നത പഠനത്തിന് പ്രോൽസാഹിപ്പിച്ചതിനാണ് കേരള മുസ്‌ലിം ജമാഅത്ത് ഹാരിസ് മാസ്‌റ്ററെ ഉപഹാരം നൽകി ആദരിച്ചത്.
തന്റെ വിദ്യാലയത്തിൽ നിന്ന് ഈ വർഷം പ്ളസ് ടു പാസായ ഗോത്രവർഗ മേഖലയിലെ 25 കുട്ടികളിൽ 18 പേർക്കും വിവിധ കോളേജുകളിൽ പ്രവേശനം നേടികൊടുത്തതാണ് കേരള മുസ്‌ലിം ജമാഅത്തിന്റെ ശ്രദ്ധയിലേക്ക് ഇദ്ദേഹം എത്താൻ കാരണമായത്. മറ്റു സാമൂഹിക പ്രവർത്തന മേഖലകളിലും ഇദ്ദേഹം സജീവമാണ്. ഹാരിസ് മാഷെ സംബന്ധിച്ച് മുൻപ് വന്ന വാർത്ത ഈ ലിങ്കിൽ വായിക്കാം.
Most Read: സുപ്രീംകോടതി ഇടപെടൽ; ഗത്യന്തരമില്ലാതെ ആശിഷ് മിശ്രയുടെ അറസ്‌റ്റ് രേഖപ്പെടുത്തി
