കാഞ്ഞിരപ്പുഴ: ജില്ലയിലെ ആദ്യ വൈദ്യുത വാഹന ചാർജിങ് സ്റ്റേഷൻ നിർമാണം കാഞ്ഞിരപ്പുഴയിൽ പുരോഗമിക്കുന്നു. ജില്ലാ ടൂറിസം പ്രമോഷൻ കൗൺസിലിന്റെ നിയന്ത്രണത്തിലുള്ള കാഞ്ഞിരപ്പുഴ ഉദ്യാനത്തിന് മുൻവശത്ത് സർക്കാർ ഏജൻസിയായ അനർട്ടിന്റെ നേതൃത്വത്തിലാണ് ചാർജിങ് സ്റ്റേഷൻ സ്‌ഥാപിക്കുന്നത്.
കേന്ദ്രസർക്കാരിന്റെ നിയന്ത്രണത്തിലുള്ള എനർജി എഫിഷ്യൻസി സർവീസസ് ലിമിറ്റഡ് എന്ന സ്‌ഥാപനത്തിനാണ് നിർമാണ ചുമതല. 142 കിലോവാട്ട് ശേഷിയുള്ള ഫാസ്റ്റ് ചാർജിങ് സംവിധാനമാണ് ഇവിടെയൊരുക്കുന്നത്. കാഞ്ഞിരപ്പുഴ ജലസേചന പദ്ധതിയുടെ സ്‌ഥലം വാടകക്കെടുത്താണ് ചാർജിങ് സ്റ്റേഷൻ നിർമാണം നടത്തുന്നത്. സ്റ്റേഷനിൽ നിന്നുള്ള ലാഭവിഹിതം ജലസേചനവകുപ്പിന് ലഭിക്കും.
Also Read: സ്വര്‍ണക്കടത്ത്; അർജുൻ ആയങ്കിയുമായി അന്വേഷണ സംഘം കണ്ണൂരിലേക്ക്
