കോട്ടയം: ലോക്ക്‌ഡൗണിനിടെ മുണ്ടക്കയം ബെവ്‌കോ വിൽപനശാലയിൽ നിന്ന് ജീവനക്കാർ കടത്തിയത് ആയിരം ലിറ്ററിൽ അധികം മദ്യം. പ്രാഥമിക അന്വേഷണത്തിൽ വ്യാപക തിരിമറി കണ്ടെത്തിയതോടെ എക്‌സൈസ് കേസെടുത്തു. സ്‌റ്റോക്കിൽ പത്ത് ലക്ഷത്തിലധികം രൂപയുടെ കുറവുണ്ടെന്നും അന്വേഷണത്തിൽ കണ്ടെത്തി.
കോവിഡ് രണ്ടാം തരംഗത്തെ തുടർന്ന് ലോക്ക്‌ഡൗൺ പ്രഖ്യാപിച്ചപ്പോഴാണ് മുണ്ടക്കയത്ത് നിന്ന് ജീവനക്കാർ മദ്യം കടത്തിയത്. രഹസ്യവിവരം ലഭിച്ചതിനെ തുടർന്നാണ് എക്‌സൈസ് പരിശോധന നടത്തിയത്. സംഭവത്തെ തുടർന്ന് നേരത്തെ തന്നെ ഔട്ട്‍ലെറ്റ് സീൽ ചെയ്‌ത്‌ ജീവനക്കാരിൽ നിന്ന് മൊഴിയെടുത്തിരുന്നു. ബിവറേജസ് കോർപറേഷൻ ഓഡിറ്റ് വിഭാഗവും എക്‌സൈസും ചേർന്ന് സ്‌റ്റോക്ക് പരിശോധിച്ചപ്പോഴാണ് ജീവനക്കാരുടെ വെട്ടിപ്പിന്റ ആഴം മനസിലായത്. പ്രാഥമിക അന്വേഷണത്തിൽ ചുരുങ്ങിയത് ആയിരം ലിറ്റർ മദ്യത്തിന്റെ കുറവാണ് കണ്ടെത്തിയത്.
കോട്ടയത്തെ വെയർ ഹൗസിൽ നിന്നും ഔട്ട്‍ലെറ്റിലേക്ക് അയച്ച മദ്യത്തിന്റെ കണക്കും പരിശോധിക്കും. ഇതിലൂടെ ജീവനക്കാർ കടത്തിയ മദ്യത്തിന്റെ കൃത്യമായ കണക്കാക്കുമെന്നാണ് വിവരം. എക്‌സൈസ് പരിശോധന തുടർന്നുള്ള ദിവസങ്ങളിലും നടക്കും.
ഔട്ട്‍ലെറ്റിൽ നിന്ന് തൊട്ടടുത്ത റബർ തോട്ടത്തിലേക്കാണ് ജീവനക്കാർ മദ്യക്കുപ്പികൾ മാറ്റിയിരുന്നത്. ഇവിടെ നിന്ന് വാഹനത്തിൽ കടത്തിക്കൊണ്ട് പോവുകയായിരുന്നു. ജീവനക്കാരെ അടുത്ത ദിവസങ്ങളിൽ വിശദമായി ചോദ്യം ചെയ്യും. ജില്ലയിലെ മറ്റ് ബെവ്‌കോ ഔട്ട്‍ലെറ്റുകളിലും പരിശോധന നടത്തും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
