കണ്ണൂർ: ജില്ലയിലെ രാമന്തളി പഞ്ചായത്തിലെ ഏഴിമല, എട്ടിക്കുളം ഭാഗങ്ങളിൽ പോലീസും എക്‌സൈസും രാത്രികാല പരിശോധനകൾ കർശനമാക്കി. ലഹരി ഉൽപ്പന്നങ്ങളുടെ വിതരണം വ്യാപകമായി നടക്കുന്നുണ്ടെന്ന പരാതിയുടെ അടിസ്‌ഥാനത്തിലാണ്‌ ഇപ്പോൾ പരിശോധന കർശനമാക്കിയത്.
ഈ പ്രദേശങ്ങളിലെ ഇട റോഡുകളിൽ ഉൾപ്പടെയാണ് രാത്രികാലത്ത് പോലീസ് പരിശോധന നടത്തുന്നത്. തുടർന്ന് എട്ടിക്കുളം അമ്പലപ്പാറ ഭാഗത്ത് നടത്തിയ പരിശോധനയിൽ നെരുവമ്പ്രം ചെങ്ങൽ തടത്തിലെ പിവി മുഹമ്മദ് ജിഷാനെ കഞ്ചാവുമായി പിടികൂടിയിരുന്നു.
പോലീസ് സബ് ഇൻസ്‌പെക്‌ടർ ദിലീപിന്റെ നേതൃത്വത്തിലുള്ള പോലീസ് സംഘവും, എക്‌സൈസ്‌ ഇൻസ്‌പെക്‌ടർ വൈശാഖിന്റെ നേതൃത്വത്തിലുള്ള എക്‌സൈസ്‌ സംഘവുമാണ് നിലവിൽ ഈ പ്രദേശങ്ങളിൽ പരിശോധന നടത്തുന്നത്.
Read also: ജില്ലയിൽ 18 വയസ് കഴിഞ്ഞ എല്ലാവർക്കും ഒരാഴ്‌ചയ്‌ക്കകം വാക്‌സിൻ
