ന്യൂഡെൽഹി: രാജ്യത്ത് അതിതീവ്ര കൊറോണ വൈറസ് ബാധിച്ചവരുടെ എണ്ണം 90 ആയി. യുകെയിൽ നിന്ന് മടങ്ങി എത്തിയവർക്കാണ് രോഗം സ്ഥിരീകരിച്ചത്. അതേസമയം, മധ്യപ്രദേശിൽ ജനിതക മാറ്റം വന്ന കൊറോണ വൈറസിന്റെ ആദ്യ കേസ് റിപ്പോർട് ചെയ്തു. യുകെയിൽ നിന്ന് ഇൻഡോറിൽ എത്തിയ 39കാരനാണ് വൈറസ് ബാധ. ഇദ്ദേഹം രോഗലക്ഷണങ്ങൾ ഒന്നും തന്നെ പ്രകടിപ്പിച്ചിരുന്നില്ല.
മഹാരാഷ്ട്രയിൽ മൂന്ന് പേർക്ക് കൂടി രോഗം സ്ഥിരീകരിച്ചതോടെ സംസ്ഥാനത്തെ അതിതീവ്ര കോവിഡ് ബാധിതരുടെ എണ്ണം 11 ആയി. ഇവരിൽ ആർക്കും തന്നെ രോഗലക്ഷണങ്ങൾ ഇല്ലെന്ന് ആരോഗ്യപ്രവർത്തകർ അറിയിച്ചു. ജനുവരി 6 വരെ 73 പേർക്കാണ് അതിതീവ്ര വൈറസ് ബാധ. നിലവിൽ രോഗികളുടെ എണ്ണം കൂടുന്നത് ആശങ്ക ഉയർത്തുന്നുണ്ട്.
Also Read: ജീവപര്യന്തം തടവുകാരന് മർദ്ദനം; മൂന്ന് ഉദ്യോഗസ്ഥരെ സ്ഥലം മാറ്റും