കൊച്ചി: കേന്ദ്ര പൊതുമേഖലാ സ്ഥാപനമായ ‘ഫാക്ട്’ 2020 ഒക്ടോബർ-ഡിസംബർ പാദത്തിൽ 136.71 കോടി രൂപ ലാഭം കൈവരിച്ചു. ഡിസംബർ 31 വരെയുള്ള 9 മാസത്തിൽ വിറ്റുവരവ് 2438 കോടി രൂപയായെന്നും 202.22 കോടി രൂപ ലാഭം നേടിയെന്നും മാനേജ്മെന്റ് അറിയിച്ചു. മുൻ വർഷം ഇക്കാലയളവിൽ 10.80 കോടി രൂപയായിരുന്നു ലാഭം. അമോണിയ സൾഫേറ്റിന്റെയും ഫാക്റ്റം ഫോസിന്റെയും ഉൽപാദനത്തിലും എക്കാലത്തെയും ഉയർന്ന നേട്ടം കൈവരിച്ചു.
ഫാക്റ്റം ഫോസ് 6,44,924 മെട്രിക് ടൺ (മുൻ വർഷം ഇതേ കാലയളവിൽ 620141 മെട്രിക് ടൺ) ഉൽപാദനമെന്ന നേട്ടത്തിലെത്തി. അമോണിയം സൾഫേറ്റിന്റെ ഉൽപാദനം 1,76,546 മെട്രിക് ടൺ (മുൻവർഷം 1,58,098 മെട്രിക് ടൺ) ആയി ഉയർന്നു. കുറഞ്ഞ കാലയളവിനുള്ളിൽ ഇന്ത്യയിലെ എല്ലാ ഭാഗങ്ങളിലേക്കും വിതരണം ആരംഭിക്കാൻ സാധിച്ചെന്നും മാനേജ്മെന്റ് അറിയിച്ചു. കൊച്ചി ഉദ്യോഗമണ്ഡലിലാണ് ഫാക്ട് (എഫ്എസിടി) സ്ഥിതി ചെയ്യുന്നത്.
Read Also: കേരള ബാങ്കിലെ സ്ഥിര നിയമനം; ശുപാർശ സർക്കാർ തള്ളി