മുംബൈ: ഫെഡറല്‍ ബാങ്ക് മാനേജിംഗ് ഡയറക്‌ടറും ചീഫ് എക്‌സിക്യൂട്ടിവ് ഓഫീസറുമായ ശ്യാം ശ്രീനിവാസന്റെ കാലാവധി മൂന്ന് വർഷത്തേക്ക് കൂടി നീട്ടാനുള്ള തീരുമാനവുമായി റിസർവ് ബാങ്ക്. ഈ വര്‍ഷം സെപ്റ്റംബറിലാണ് ശ്യാം ശ്രീനിവാസന്റെ കാലാവധി അവസാനിക്കുന്നത്. എന്നാൽ 2024 സെപ്റ്റംബർ 22 വരെ കാലാവധി നീട്ടാനാണ് തീരുമാനം.
ബഹുരാഷ്‌ട്ര ബാങ്കുകളിലെ രണ്ട് പതിറ്റാണ്ടിലേറെ കാലത്തെ പ്രവര്‍ത്തന പരിചയവുമായി 2010ലാണ് അദ്ദേഹം ഫെഡറൽ ബാങ്കിലെത്തിയത്. റിസര്‍വ് ബാങ്ക് കാലാവധി ദീര്‍ഘിപ്പിച്ചതോടെ ഫെഡറല്‍ ബാങ്ക് സ്‌ഥാപകന്‍ കെപി ഹോര്‍മിസിന് ശേഷം ബാങ്കിന്റെ സാരഥ്യത്തില്‍ ഏറ്റവും കൂടുതല്‍ കാലം തുടരുന്ന മാനേജിംഗ് ഡയറക്‌ടറായി മാറുകയാണ് ശ്യാം ശ്രീനിവാസന്.
Read Also: ശ്രീലങ്കൻ ക്യാംപിൽ കോവിഡ്; ഇന്ത്യയുമായുള്ള പരമ്പര നീട്ടിവെച്ചു
