തിരുവനന്തപുരം: നെയ്യാറ്റിന്കരയില് ഓടുന്ന കാറിന് തീപിടിച്ചു. യാത്രക്കാര് ഇറങ്ങിയോടിയതിനാല് വന് ദുരന്തം ഒഴിവായി. കാറിനുള്ളില് നിന്നും പുക ഉയരുന്നത് കണ്ട് റോഡരികില് നിര്ത്തി ഇറങ്ങിയതിനാലാണ് കാറിലുണ്ടായിരുന്നവര് അൽഭുതകരമായി രക്ഷപ്പെട്ടത്.
നെയ്യാറ്റിന്കര ടൗണ്ഹാളിന് സമീപത്ത് വെച്ച് വൈകിട്ട് 4 മണിയോടെയാണ് കാറിന്റെ ഡാഷ് ബോർഡിൽ നിന്നും തീ ഉയർന്നത്. കാറിലുണ്ടായിരുന്നത് പുതിയതുറ സ്വദേശി ജോയിയും സുഹൃത്ത് അടിമലത്തുറ സ്വദേശി ലുജീനുമായിരുന്നു. കാറിലെ എസിയില് നിന്നുമുള്ള ഷോര്ട്ട് സര്ക്യൂട്ടാണ് അപകടകാരണമെന്ന് പ്രാഥമിക നിഗമനം.
നെയ്യാറ്റിന്കര ഫയര്ഫോഴ്സിന്റെ 2 വാഹനങ്ങളെത്തി അരമണിക്കൂറിലെറെ പരിശ്രമിച്ചാണ് തീ കെടുത്തിയത്. ദേശീയപാതിയിലെ മറ്റ് വാഹനങ്ങള് തടഞ്ഞ് നിര്ത്തിയതും വലിയ അപകടം ഒഴിവാക്കാനായി.
National News: കോവിഷീൽഡ് അംഗീകരിക്കാത്ത ബ്രിട്ടന്റെ നടപടിയിൽ അതൃപ്തി അറിയിച്ച് ഇന്ത്യ