ശ്രീനഗർ: ജമ്മു കശ്മീരിൽ രണ്ടിടങ്ങളിലായി ഉണ്ടായ വെടിവെപ്പിൽ ഒരാൾ കൊല്ലപ്പെട്ടു. മറ്റൊരാൾക്ക് ഗുരുതരമായി പരിക്കേറ്റു. ശ്രീനഗറിൽ ആയുധധാരികളായ ഭീകരർ ജനങ്ങൾക്ക് നേരെ വെടിയുതിർത്തു. അനന്ദ്നാഗ് ജില്ലയിൽ സിആർപിഎഫ് ബങ്കറിന് നേരെയും ഗ്രനേഡ് ആക്രമണമുണ്ടായി. ആറ് മണിക്കൂറുകൾക്ക് ഉള്ളിലാണ് ആക്രമണങ്ങൾ നടന്നത്.
ശ്രീനഗറിലെ ക്ളോസ് റേഞ്ചിലാണ് വെടിവെപ്പുണ്ടായത്. ആക്രമണത്തിൽ കരൺ നഗർ സ്വദേശിയായ മജീദ് ഗുരു എന്നയാളാണ് കൊല്ലപ്പെട്ടത്. മുഖത്തും നെഞ്ചിലും വയറ്റിലും വെടിയേറ്റ ഇദ്ദേഹത്തെ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.
ശ്രീനഗറിലെ എസ്ഡി കോളനിയിൽ നടന്ന ഭീകരരുടെ വെടിവെപ്പിൽ പ്രദേശവാസിക്ക് ഗുരുതരമായി പരിക്കേറ്റിട്ടുണ്ട്. ക്ളോസ് റേഞ്ചിൽ നിന്നാണ് മുഹമ്മദ് ഷാഫി ദാർ എന്നയാൾക്ക് വെടിയേറ്റത്. ഗുരുതരമായി പരിക്കേറ്റ ഇദ്ദേഹം ആശുപത്രിയിൽ ചികിൽസയിലാണ്.
അതേസമയം അനന്ദ്നാഗിലെ കെപി റോഡിലാണ് സിആർപിഎഫ് ബങ്കറിന് നേരെ വെടിവെപ്പുണ്ടായത്. ഗ്രനേഡ് ഉപയോഗിച്ചും ഭീകരർ ആക്രമണം നടത്തി. എന്നാൽ ആർക്കും പരിക്ക് റിപ്പോർട് ചെയ്തിട്ടില്ല. സംഭവ സ്ഥലത്ത് സേന കർശന സുരക്ഷ ഏർപ്പെടുത്തിയിട്ടുണ്ട്.
Most Read: ജലസമാധി ഭീഷണി; സന്യാസി ആചാര്യ മഹാരാജ് വീട്ടുതടങ്കലിൽ