ദുബൈ: ദുബൈയിൽ വാഹനമോടിക്കുന്നവർക്ക് വെല്ലുവിളിയുയർത്തി മൂടൽമഞ്ഞ്. അർദ്ധരാത്രി മുതൽ ചൊവ്വാഴ്ച രാവിലെ ഒമ്പത് മണി വരെ 29 റോഡപകടങ്ങളാണ് ദുബൈയിൽ റിപ്പോർട്ട് ചെയ്തത്. ഇതേത്തുടർന്ന് വാനമോടിക്കുന്നവർക്ക് ജാഗ്രതാ മുന്നറിയിപ്പുമായി പോലീസ് രംഗത്തെത്തി.
ഇത്തരം കാലാവസ്ഥകളിൽ വാഹനം ഓടിക്കുമ്പോൾ വേഗപരിധി മറികടക്കരുതെന്നും അമിതവേഗത്തിൽ വാഹനമോടിക്കരുതെന്നും ദുബൈ പോലീസിലെ ട്രാഫിക് വിഭാഗം ഡെപ്യൂട്ടി ഡയറക്ടർ കേണൽ ജുമാ സാലെം ബിൻ സുവൈദാൻ പറഞ്ഞു.
Also Read: ഒമാനില് പൊതുഗതാഗതത്തിന് അനുമതി; സെപ്തംബർ 27 മുതല് ആരംഭിക്കും
മൂടൽമഞ്ഞിനെ തുടർന്ന് 2,034 എമർജൻസി ഫോൺ കോളുകൾ ലഭിച്ചതായി ദുബൈ പോലീസ് ഓപ്പറേഷൻ വിഭാഗത്തിലെ കമാൻഡ് ആൻഡ് കൺട്രോൾ സെന്റർ ഡയറക്ടർ കേണൽ തുർക്കി ബിൻ ഫാരിസിനെ ഉദ്ധരിച്ച് ‘ഗൾഫ് ന്യൂസ്’ റിപ്പോർട്ട് ചെയ്തു. മൂടൽമഞ്ഞ് നിറഞ്ഞ അന്തരീക്ഷമായതിനാൽ കാഴ്ച്ചാ പരിധി കുറയുന്നത് മൂലം അപകടങ്ങൾ ഉണ്ടാകാൻ സാധ്യത കൂടുതലാണെന്നും ഡ്രൈവർമാർ കാലാവസ്ഥാ മുന്നറിയിപ്പുകൾ അനുസരിക്കണമെന്നും അദ്ദേഹം പറഞ്ഞു.