നീലേശ്വരം: റെയിൽവേ ഡെവലപ്മെന്റ് കളക്ടീവ് നീലേശ്വരം സാമൂഹിക പ്രതിപദ്ധതാ പ്രവർത്തനത്തിന്റെ ഭാഗമായി കിടപ്പുരോഗികൾക്ക് ഭക്ഷണക്കിറ്റ് വിതരണം ചെയ്ത് തുടങ്ങി. നീലേശ്വരം റെയിൽവേ സ്റ്റേഷൻ പരിധിയിലെ 15 പഞ്ചായത്തുകളിലെ പാലിയേറ്റീവ് സംഘങ്ങൾ വഴിയാണ് ‘മദേഴ്സ് മീൽ’ വിതരണം ചെയ്യുന്നത്. പ്രതിമാസം 100 കിറ്റ് വീതം വിതരണം ചെയ്യുന്ന പദ്ധതിയാണിത്.
ജില്ലാ മെഡിക്കൽ ഓഫീസർ ഡോ.എവി രാമദാസ് കിറ്റ് വിതരണം ഉൽഘാടനം ചെയ്തു. എൻആർഡിസി പ്രസിഡണ്ട് പിവി സുജിത് കുമാർ അധ്യക്ഷത വഹിച്ചു. ഡോ.വി സുരേശൻ പദ്ധതി വിശദീകരിച്ചു. എംവി മോഹൻദാസ് മേനോൻ, വികെ രാമചന്ദ്രൻ എന്നിവർ സംസാരിച്ചു.
ആറുമാസം നീലേശ്വരം റോട്ടറി ക്ളബ്ബാണ് മദേഴ്സ് മീൽ പദ്ധതി ഏറ്റെടുത്ത് നടത്തിയത്. ഏപ്രിൽ മുതൽ ബെംഗളൂരു ആസ്ഥാനമായ ഹോപ് ഫൗണ്ടേഷനുമായി സഹകരിച്ച് എൻആർഡിസി ഏറ്റെടുക്കും. തുടർന്നും കിറ്റ് വിതരണം മുന്നോട്ട് കൊണ്ടുപോകുമെന്ന് എൻആർഡിസി അധികൃതർ അറിയിച്ചു.
Also Read: കോവിഡ് കൂടുന്നു; പാലക്കാട് സൗജന്യ പരിശോധനക്ക് മൊബൈൽ ടെസ്റ്റിംഗ് യൂണിറ്റ്