മോസ്കോ: ഇന്ത്യൻ വിദേശകാര്യ മന്ത്രി എസ്.ജയശങ്കർ മോസ്കോയിൽ. ഇന്ന് വൈകീട്ട് റഷ്യൻ വിദേശകാര്യ മന്ത്രി എസ്.വി ലോവ്റോവുമായി അദ്ദേഹം കൂടികാഴ്ച്ച നടത്തും.നാലു ദിവസത്തെ സന്ദർശനത്തിൽ ഷാങ്ഹായ് സഹകരണ കൂട്ടായ്മയിലും അദ്ദേഹം പങ്കെടുക്കും.ഇന്നലെയാണ് മന്ത്രി മോസ്കോയിൽ എത്തിയത്. ഷാങ്ഹായ് സഹകരണ കൂട്ടായ്മയിലെ രാജ്യങ്ങളുടെ വിദേശകാര്യ മന്ത്രിമാരുടെ യോഗത്തിലും ജയശങ്കർ പങ്കെടുക്കും.
രണ്ട് ദിവസങ്ങൾക്ക് മുൻപ് പ്രതിരോധ മന്ത്രി രാജ്നാഥ് സിംഗ് റഷ്യ സന്ദർശിച്ചിരുന്നു. ഷാങ്ഹായ് സഹകരണ കൂട്ടായ്മയിൽ പങ്കെടുക്കാനായിരുന്നു അദ്ദേഹവും റഷ്യയിലെത്തിയത്.
ചൈനീസ് വിദേശകാര്യ മന്ത്രി വാങ് യിയുമായി ജയശങ്കർ ചർച്ച നടത്തിയേക്കും എന്ന് റിപ്പോർട്ടുകളുണ്ട്. ഇന്ത്യ-ചൈന നയതന്ത്ര ബന്ധം വഷളാവുകയും ഇരു രാജ്യങ്ങളുടെയും സൈന്യങ്ങൾ ഏറ്റുമുട്ടുകയും ചെയ്ത ഘട്ടത്തിൽ നിർണായകമാണ് ഈ കണ്ടുമുട്ടൽ. ഷാങ്ഹായ് സഹകരണ കൂട്ടായ്മയിലെ തുല്യ ശക്തികളായ ഇന്ത്യയേയും ചൈനയെയും ഒരുമിച്ചു കൊണ്ടുപോവാനാണ് റഷ്യ അടക്കമുള്ള രാജ്യങ്ങൾക്ക് താൽപര്യം.
Read Also: കമല ഹാരിസ് പ്രസിഡന്റായാൽ യുഎസിന് അപമാനം; ട്രംപ്