കാസർഗോഡ് : ജില്ലയിൽ വ്യാജ പോലീസ് ചമഞ്ഞ് പണപ്പിരിവ് നടത്തിയ ബസ് കണ്ടക്‌ടറെ പോലീസ് അറസ്‌റ്റ് ചെയ്‌തു. വിദ്യാനഗർ ക്വാർട്ടേഴ്സിൽ താമസിക്കുന്ന ശശിധരൻ(34) ആണ് അറസ്‌റ്റിലായത്‌. ഇയാളുടെ പേരിൽ ലഭിച്ച നിരവധി പരാതികളുടെ അടിസ്‌ഥാനത്തിലാണ്‌ ബദിയടുക്ക പോലീസ് അറസ്‌റ്റ് രേഖപ്പെടുത്തിയത്.
ജില്ലയിലെ പെട്ടിക്കടകളിലും, മറ്റ് കടകളിലും വ്യാജ പോലീസ് ചമഞ്ഞ് ചെന്ന് പാൻ ഉൽപ്പന്നങ്ങൾ വിൽക്കുന്നുണ്ടോ എന്ന് അന്വേഷിക്കും. സംശയം തോന്നാതിരിക്കാൻ പോലീസ് വേഷത്തിലുള്ള ഇയാളുടെ ഫോട്ടോയും വ്യാപാരികളെ കാണിക്കും. തുടർന്ന് ഇവരിൽ നിന്നും പണം തട്ടിയെടുക്കുകയാണ് പ്രതി ചെയ്യുന്നത്. ഇത്തരത്തിൽ നിരവധി ആളുകൾക്ക് പണം നഷ്‌ടമായിട്ടുണ്ടെന്ന് വ്യാപാരികൾ വ്യക്‌തമാക്കുന്നുണ്ട്. തുടർന്ന് പോലീസ് നടത്തിയ അന്വേഷണത്തിൽ ഇന്നലെ ടൗണിൽ തട്ടിപ്പ് നടത്തുന്നതിന് ഇടയിലാണ് പ്രതിയെ പോലീസ് അറസ്‌റ്റ് ചെയ്‌തത്‌.
Read also : പശ്‌ചിമ ബംഗാൾ തിരഞ്ഞെടുപ്പ്; പ്രധാനമന്ത്രി ഇന്ന് കൊൽക്കത്തയിൽ
