കോഴിക്കോട്: സിഐടിയു, ഐഎൻടിയുസി, എഐടിയുസി, യുടിയുസി, എസ്‌ടിയു, എച്ച്എംഎസ് ഉൾപ്പടെയുളള സംയുക്‌ത തൊഴിലാളി സംഘടനകൾ നേതൃത്വംകൊടുത്ത ‘ചക്രസ്‌തംഭ സമരത്തിൽ‘ ട്രേഡ് യൂണിയനുകളുടെ കോഴിക്കോട് ജില്ലാ കമ്മിറ്റിയും പങ്കാളികളായി.
അടിയന്തരമായി ഇന്ധനകൊള്ള കേന്ദ്ര സര്‍ക്കാര്‍ അവസാനിപ്പിക്കണമെന്നും അതല്ലാത്തപക്ഷം രൂക്ഷമായ സമരത്തിലേക്ക് കടക്കുമെന്നും വിവിധ ട്രേഡ് യൂണിയൻ നേതാക്കൾ പറഞ്ഞു. രാവിലെ 11 മുതൽ 11.15 വരെ റോഡിലുള്ള മുഴുവൻ വാഹനങ്ങളും നിർത്തിയിട്ടാണ് പ്രതിഷേധം നടന്നത്.
പൊതുജനങ്ങളും സഹകരിച്ച സമരം പുഷ്‌പ ജംഗ്ഷനിൽ എസ്‌ടിയു സംസ്‌ഥാന സെക്രട്ടറി യു പോക്കർ ഉൽഘാടനം ചെയ്‌തു. ചടങ്ങിൽ അഡ്വ. സുനീഷ് മായിൽ, നാസർ, അബ്‌ദു എടി, കുഞ്ഞായിൻ കോയ, എൻകെസി ബഷീർ, പ്രശാന്ത് കളത്തിങ്ങൽ, മുഹമ്മദ് സജീർ, മുഹമ്മദ് മുസ്‍താഖ് തുടങ്ങിയവർ പങ്കെടുത്തു.
Most Read: രാജ്യദ്രോഹകുറ്റം പുനർനിർവചിക്കണം
