ദുബായ്: യുഎഇയില് സെപ്റ്റംബർ മാസത്തിൽ ഇന്ധനവില കുറയും. രാജ്യത്ത് ഇന്ധനവില നിര്ണയിക്കുന്ന കമ്മിറ്റി തിങ്കളാഴ്ച പുതിയ നിരക്ക് പ്രഖ്യാപിച്ചു. സൂപ്പര് 98 പെട്രോള് ലിറ്ററിന് സെപ്റ്റംബർ ഒന്ന് മുതല് 2.55 ദിര്ഹമായിരിക്കും നിരക്ക്. കഴിഞ്ഞ മാസം ഇത് 2.58 ദിര്ഹമായിരുന്നു.
സ്പെഷ്യല് 95 പെട്രോളിന് ലിറ്ററിന് 2.44 ദിര്ഹമാകും വില. ഓഗസ്റ്റില് ഇത് 2.47 ദിര്ഹമായിരുന്നു. ഇ പ്ളസ് പെട്രോൾ ലിറ്ററിന് 2.36 ദിര്ഹമാണ് പുതിയ നിരക്ക്. 2.39 ദിര്ഹം ആയിരുന്നു പഴയ നിരക്ക്.
ഡീസലിന് സെപ്റ്റംബർ മുതല് ലിറ്ററിന് 2.38 ദിര്ഹമാണ്. പഴയവില 2.45 ദിര്ഹം ആയിരുന്നു. അന്താരാഷ്ട്ര വിപണിയിലെ എണ്ണവില അനുസരിച്ച് ഓരോ മാസവും യോഗം ചേര്ന്നാണ് പ്രാദേശിക വില നിശ്ചയിക്കുന്നത്.
Read Also: യോങ്ബ്യോൻ ആണവ നിലയത്തിന്റെ പ്രവർത്തനം പുനഃരാരംഭിച്ച് ഉത്തരകൊറിയ