കൊച്ചി: കേരള പ്രീമിയര് ലീഗ് ഫുട്ബോള് കിരീടം സ്വന്തമാക്കി ഗോകുലം കേരള എഫ്സി. കെഎസ്ഇബിയെ ഒന്നിനെതിരെ രണ്ട് ഗോളുകള്ക്ക് തകര്ത്താണ് ഗോകുലം കിരീടം ചൂടിയത്. എറണാകുളം മഹാരാജാസ് കോളേജ് ഗ്രൗണ്ടിലായിരുന്നു കലാശപ്പോരാട്ടം അരങ്ങേറിയത്.
ഗോകുലം കേരള എഫ്സിയുടെ രണ്ടാമത്തെ കെപിഎൽ കിരീടനേട്ടം കൂടിയാണിത്. എൻഎം നജീബാണ് ഗോകുലത്തിന്റെ മുഖ്യ പരിശീലകൻ
കേരള യുണൈറ്റഡിനെ സെമി ഫൈനലില് അടിയറവ് പറയിച്ചാണ് ഗോകുലം ഫൈനലിലേക്കുള്ള ടിക്കറ്റ് നേടിയത്. കെഎസ്ഇബി ആകട്ടെ റോയല് ബാസ്കോ ഒതുക്കങ്ങലിനെയാണ് പരാജയപ്പെടുത്തിയത്.
കേരള പ്രീമിയര് ലീഗ് ഫുട്ബോള് കിരീടം കഴിഞ്ഞ വര്ഷം സ്വന്തമാക്കിയത് കേരള ബ്ളാസ്റ്റേഴ്സ് റിസര്വ് ടീമായിരുന്നു. ഗോകുലം തന്നെ ആയിരുന്നു അവരുടെ എതിരാളി. എന്നാൽ ഇക്കുറി കിരീടം നേടി തിരിച്ചുവരവ് നടത്തിയിരിക്കുകയാണ് ഗോകുലം താരങ്ങൾ.
Read Also: ചലച്ചിത്ര, മാദ്ധ്യമ മേഖലകളിൽ പ്രവർത്തിക്കുന്ന വ്യക്തികൾക്ക് സൗജന്യ വാക്സിൻ നൽകും; ചിരഞ്ജീവി