ഹൈദരാബാദ്: കോവിഡ് മഹാമാരിയുടെ രണ്ടാം തരംഗം ഭീകരമായ സാഹചര്യത്തിൽ ചലച്ചിത്ര പ്രവര്ത്തകർക്കും, മാദ്ധ്യമ പ്രവർത്തകർക്കും സൗജന്യ വാക്സിൻ ലഭ്യമാക്കാനുള്ള പദ്ധതിയുമായി തെലുങ്ക് നടൻ ചിരഞ്ജീവി. താരം നേതൃത്വം നൽകുന്ന കൊറോണ ക്രൈസിസ് ചാരിറ്റി, അപ്പോളോ 247മായി ചേർന്നാണ് പദ്ധതി നടപ്പാക്കുന്നത്.
ട്വിറ്ററിലൂടെയാണ് ചിരഞ്ജീവി ഇക്കാര്യം അറിയിച്ചത്. ഏപ്രിൽ 22 മുതൽ വാക്സിൻ നൽകി തുടങ്ങും. ഒരു മാസത്തോളം നീണ്ടുനിൽക്കുന്ന വിതരണ പരിപാടിയായിരിക്കും നടക്കുകയെന്ന് ചിരഞ്ജീവി വ്യക്തമാക്കി. 45 വയസിന് മുകളിലുള്ള തെലുങ്ക് മാദ്ധ്യമ പ്രവര്ത്തകര്ക്കും സിനിമാ പ്രവര്ത്തകര്ക്കുമാണ് കോവിഡ് വാക്സിൻ നൽകുക.
കഴിഞ്ഞ വർഷം തെലുങ്ക് ചലച്ചിത്ര മേഖലയിലെ സഹപ്രവർത്തകരുടെ സഹായത്തോടെയാണ് ചിരഞ്ജീവി കൊറോണ ക്രൈസിസ് ചാരിറ്റിയെന്ന സംഘടന ആരംഭിച്ചത്. കഴിഞ്ഞ ലോക്ക്ഡൗൺ കാലത്ത് സിനിമ മേഖലയിലെ നിരവധി പേർക്ക് സഹായങ്ങൾ നൽകാൻ സംഘടനക്ക് കഴിഞ്ഞിരുന്നു.
Read Also: ‘വാക്സിൻ നയമാറ്റത്തിലൂടെ കേന്ദ്രസർക്കാർ കൊള്ളക്ക് അവസരം തേടുന്നു’; എ വിജയരാഘവന്