കൊച്ചി: സംസ്ഥാനത്ത് സ്വർണവിലയിൽ വർധന. കഴിഞ്ഞ ദിവസം റെക്കോഡ് തകർച്ച നേരിട്ട സ്വർണത്തിന് ബുധനാഴ്ച വില വർധിച്ചു. പവന് 280 രൂപയാണ് ഇന്ന് കൂടിയത്. ഇതോടെ പവന് 33,960 രൂപയിലെത്തി. 4245 രൂപയാണ് ഗ്രാമിന്റെ വില. ഇന്നലെ പവന് 760 രൂപ കുറഞ്ഞ് 33,680 നിലവാരത്തിൽ എത്തിയിരുന്നു.
യുഎസിൽ ട്രഷറി നിക്ഷേപത്തിലെ ആദായം ഉയർന്ന നിലവാരത്തിൽ തുടരുന്നതിനാൽ ആഗോള വിപണിയിൽ സ്വർണവില സമ്മർദത്തിലാണ്. സ്പോട് ഗോൾഡ് വില ഔൺസിന് 1,734.16 ഡോളർ നിലവാരത്തിലാണ് വ്യാപാരം നടക്കുന്നത്.
ആഗോള വിപണിയിൽ സ്വർണത്തിന് ഉണ്ടായ വിലയിടിവ് ദേശീയ വിപണിയിലും പ്രതിഫലിച്ചു. കമ്മോഡിറ്റി വിപണിയായ എംസിഎക്സിൽ 10 ഗ്രാം 24 കാരറ്റ് സ്വർണത്തിന്റെ വില 45,500 രൂപയാണ്. അതേസമയം, ഒരുകിലോഗ്രാം വെള്ളിക്ക് 69,216 രൂപയാണ് വില.
Also Read: ‘അമിത വായ്പ കേരളത്തിന് ഭാവിയിൽ ഭാരമായി മാറും’; മൻമോഹൻ സിങ്