കൊച്ചി: മുന്നോട്ട് കുതിച്ച് സ്വര്‍ണ വില. പവന് 480 രൂപയുടെയും ഗ്രാമിന് 60 രൂപയുടെയും വര്‍ധനവാണ് ഇന്ന് ഉണ്ടായിരിക്കുന്നത്. പവന് ഇതോടെ 33,800 രൂപയായി. സ്വര്‍ണം ഗ്രാമിന് 4,225 രൂപയാണ് വില.
തുടര്‍ച്ചയായ രണ്ടാം ദിവസമാണ് ആഭ്യന്തര വിപണിയില്‍ സ്വര്‍ണ വിലയില്‍ വര്‍ധനവ് ഉണ്ടാകുന്നത്. 440 രൂപയാണ് വ്യഴാഴ്‌ച പവന് കൂടിയിരുന്നത്. രണ്ടു ദിവസത്തിനിടെ മാത്രം പവന് കൂടിയത് 920 രൂപയാണ്.
ഗതാഗതം, ടെലികോം, ഊർജ മേഖലകളിൽ രണ്ടുലക്ഷം കോടി ഡോളറിലധികം നിക്ഷേപിക്കുമെന്ന് യുഎസ് പ്രസിഡണ്ട് ജോ ബൈഡൻ പ്രഖ്യാപിച്ചതിന് പിന്നാലെയാണ് സ്വർണവിലയിൽ വർധനവുണ്ടായത്.
Read Also: ലോകക്രിക്കറ്റിന്റെ നെറുകയിലെത്തിയ ഇന്ത്യ; രണ്ടാം ലോകകപ്പ് വിജയത്തിന് ഇന്ന് പത്താണ്ട്
