കൊച്ചി: സംസ്ഥാനത്ത് സ്വർണവിലയിൽ വീണ്ടും കുറവ്. ഇന്ന് പവന് 160 രൂപയാണ് കുറഞ്ഞത്. ഇതോടെ സ്വർണവില 36,720 രൂപയായി. ഗ്രാമിന് 20 രൂപ കുറഞ്ഞ് 4,590 രൂപയുമാണ് വില. കഴിഞ്ഞ ദിവസങ്ങളിൽ സ്വർണവില വർധിച്ചിരുന്നു. 3 ദിവസം കൊണ്ട് 1,000 രൂപയോളമാണ് വർധിച്ചത്. വെള്ളിയാഴ്ച പവന് 36,880 രൂപയായിരുന്നു വില.
കഴിഞ്ഞ ആഴ്ചയിൽ സ്വർണവിലയിൽ കനത്ത ഇടിവ് നേരിട്ടിരുന്നു. കോവിഡ് വാക്സിൻ വികസിപ്പിക്കുന്നതിലെ പുരോഗതിയെ തുടർന്നാണ് സ്വർണവില കുറഞ്ഞത്. പിന്നീട് ഡോളറിന്റെ തളർച്ച മൂലം സ്വർണവില വർധിച്ചിരുന്നു. ഇതിന് ശേഷമാണ് ഇന്ന് വീണ്ടും സ്വർണവില കുറഞ്ഞത്.
Read also: ആന്റിജൻ ടെസ്റ്റിന് ഉയർന്ന നിരക്ക് ഈടാക്കുന്നു; സ്വകാര്യ ആശുപത്രികളിൽ മിന്നൽ പരിശോധന