കവരത്തി: ലക്ഷദ്വീപിൽ സ്വകാര്യ വ്യക്‌തികളുടെ ഭൂമി ഏറ്റെടുക്കൽ നടപടിയുമായി ഭരണകൂടം മുന്നോട്ട്. ഭൂമി ഏറ്റെടുക്കുന്നതിനുള്ള നടപടികൾ ആരംഭിച്ചു. വികസന പ്രവർത്തനങ്ങൾക്കാണ് ഭൂമി ഏറ്റെടുക്കുന്നതെന്നാണ് അധികൃതരുടെ വിശദീകരണം. സ്‌ഥലം ഏറ്റെടുക്കലിന് എതിരെ നേരത്തെ പ്രതിഷേധം ഉയർന്നിരുന്നു. ഇതുമായി ബന്ധപ്പെട്ട കേസ് ഹൈക്കോടതിയിൽ നടന്നുകൊണ്ടിരിക്കുകയാണ്.
സ്‌ഥലം ഏറ്റെടുക്കുന്നതിന്റെ ഭാഗമായി സ്വകാര്യ വ്യക്‌തികളുടെ ഭൂമിയിൽ കൊടികുത്തി. എൽഡിഎആർ പ്രാബല്യത്തിൽ വരുന്നതിന് മുന്നോടിയായാണ് നടപടി. അതേസമയം, ഭൂവുടമകളോട് അനുവാദം ചോദിക്കാതെയാണ് കൊടി കുത്തിയതെന്ന് പരാതി ഉയരുന്നുണ്ട്.
അഡ്‌മിനിസ്ട്രേറ്റർ പ്രഫുൽ പട്ടേൽ കഴിഞ്ഞ ദിവസം ദ്വീപിൽ എത്തിയിരുന്നു. വികസന പ്രവർത്തനങ്ങൾക്ക് വേഗം പോരെന്നാണ് ദ്വീപിലെത്തിയ അഡ്‌മിനിസ്ട്രേറ്റർ അഭിപ്രായപ്പെട്ടത്. ഇതിന് പിന്നാലെയാണ് സ്‌ഥലം ഏറ്റെടുക്കൽ നടപടി ആരംഭിച്ചതെന്നതും ശ്രദ്ധേയമാണ്.
അഡ്‌മിനിസ്ട്രേറ്റർ എത്തിയ ദിവസം ദ്വീപ് നിവാസികൾ കരിദിനമായി ആചരിച്ചിരുന്നു. സേവ് ലക്ഷദ്വീപ് ഫോറത്തിന്റെ ആഭിമുഖ്യത്തിലാണ് ദ്വീപ് സമൂഹം കരിദിനം ആചരിച്ചത്. പ്രതിഷേധത്തിന്റെ ഭാഗമായി വീടുകളിൽ കറുത്ത കൊടി ഉയർത്തി. കറുത്ത വസ്‌ത്രവും കറുത്ത മാസ്‌ക്കും ധരിക്കാനും ആഹ്വാനം ചെയ്‌തിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
