മാലൂർ: വീണുകിട്ടിയ രണ്ട് സ്വർണമോതിരം ഉടമക്ക് തിരികെ നൽകി ഹരിതകർമ സേനാംഗങ്ങൾ മാതൃകയായി. കരോത്ത് വയലിൽ വാതിൽപ്പടി മാലിന്യശേഖരണം നടത്തുമ്പോൾ വീണുകിട്ടിയ രണ്ട് സ്വർണ മോതിരങ്ങളാണ് ഹരിതകർമ സേനാംഗങ്ങൾ വീട്ടമ്മ ജാനകിക്ക് തിരികെ നൽകിയത്.
ഷെറിജ് നിവാസിൽ ജാനകിയുടെ വീട്ടിൽനിന്ന് ഏതാനും ദിവസം മുൻപ് മോതിരങ്ങൾ കാണാതായിരുന്നു. വെള്ളിയാഴ്ച ജാനകിയുടെ വീട്ടിലെത്തിയ ഹരിതകർമ സേനാംഗങ്ങൾ മാലിന്യങ്ങളൊക്കെ ചാക്കിലാക്കുകയായിരുന്നു.
അതിനിടെ പ്ളാസ്റ്റിക് കവറിൽ നിന്ന് രണ്ട് മോതിരം ലഭിച്ചു. അപ്പോൾ തന്നെ ഹരിതകർമ സേനാംഗങ്ങളായ എം ജിഷ, കെ ജയന്തി, കെപി ഷംന, എം ചന്ദ്രി എന്നിവർ വീട്ടമ്മയെ ഏൽപിച്ചു. ഹരിതകർമ സേനാംഗങ്ങളുടെ സത്യസന്ധതയിൽ വാർഡ് അംഗം കൂടിയായ മാലൂർ പഞ്ചായത്ത് പ്രസിഡണ്ട് വി ഹൈമാവതി അഭിനന്ദിച്ചു.
Most Read: മമ്മൂട്ടി-പാർവതി ചിത്രം ‘പുഴു’ ട്രൈലർ നാളെ