അബുദാബി : യുഎഇയുടെ വിവിധ ഭാഗങ്ങളിൽ ശക്‌തമായ മഴയും പൊടിക്കാറ്റും. ഇന്നലെ അബുദാബിയിലെ വിവിധ മേഖലകളിലും, വടക്കൻ എമിറേറ്റുകളിലെ തീരദേശ, മലയോര മേഖലകളിലും ശക്‌തമായ മഴ പെയ്‌തു. വടക്കന്‍ മേഖലയിലെ ദിബ്ബയിലും സമീപ പ്രദേശങ്ങളിലും ശക്‌തമായ മഴ ലഭിച്ചു.
അതേസമയം തന്നെ ശക്‌തമായ മഴയെ തുടർന്ന് താഴ്ന്ന പ്രദേശങ്ങളിൽ വെള്ളക്കെട്ട് ഉണ്ടായി. കൂടാതെ ദുബായിൽ വൈകിട്ടോടെ പൊടിക്കാറ്റ് ഉണ്ടായി. ഫുജൈറ, വാദി തുവൈന്‍, വാദി അല്‍ ഫാദി, ദിബ്ബ, പര്‍വ്വത മേഖലകള്‍, അബുദാബി മുഷ്‌റിഫ്, ഖാലിദിയ, ബഹിയ, ഹുദ്രിയാത് ഐലന്‍ഡ്, സാദിയാത് ഐലന്‍ഡ്, മദീനത് സായിദ്, ഷാര്‍ജ ഖോര്‍ഫക്കാന്‍, അജാമന്‍ മനാമ എന്നിവിടങ്ങളിലും കഴിഞ്ഞ ദിവസം ശക്‌തമായ മഴ പെയ്‌തു. വരും ദിവസങ്ങളില്‍ മറ്റ് എമിറേറ്റുകളിലും മഴക്ക് സാധ്യതയുണ്ടെന്നാണ് ദേശീയ കാലാവസ്‌ഥാ നിരീക്ഷണ കേന്ദ്രത്തിന്റെ റിപ്പോർട്.
Read also : ഓക്‌സിജൻ ലഭ്യത ഉയർത്തണം; കേന്ദ്രത്തിന് കത്തയച്ച് ഡെൽഹി സർക്കാർ
