തിരുവനന്തപുരം : കേരള തീരത്ത് നാളെ രാത്രി വരെ ഉയര്‍ന്ന തിരമാലകള്‍ ഉണ്ടാകാനുള്ള സാധ്യത വ്യക്‌തമാക്കി കാലാവസ്‌ഥാ നിരീക്ഷണ കേന്ദ്രം. നാളെ രാത്രി 11.30 വരെയാണ് തിരമാലകള്‍ ശക്‌തമാക്കാനുള്ള സാധ്യത കാലാവസ്‌ഥാ കേന്ദ്രം വെളിപ്പെടുത്തുന്നത്. പൊഴിയൂര്‍ മുതല്‍ കാസര്‍ഗോഡ് വരെയുള്ള തീരപ്രദേശങ്ങളില്‍ 1.5 മീറ്റര്‍ മുതല്‍ 3.1 മീറ്റര്‍ വരെ ഉയരത്തില്‍ തിരമാലകള്‍ ഉണ്ടാകാനുള്ള സാധ്യതയുണ്ട്. ശക്‌തമായ തിരമാലകള്‍ ഉണ്ടാകാനുള്ള സാധ്യത ഉണ്ടെങ്കിലും മല്‍സ്യ ബന്ധനത്തിന് തടസം ഉണ്ടാകില്ലെന്ന് അധികൃതര്‍ വ്യക്‌തമാക്കി.
അതേസമയം തന്നെ സംസ്ഥാനത്ത് ഇന്നും ശക്‌തമായ മഴ ഉണ്ടാകുമെന്ന് കാലാവസ്‌ഥാ കേന്ദ്രം വ്യക്‌തമാക്കിയിരുന്നു. ഇതേ തുടര്‍ന്ന് ഇന്ന് 7 ജില്ലകളില്‍ യെല്ലോ അലേര്‍ട്ട് പ്രഖ്യാപിച്ചിരുന്നു. ആലപ്പുഴ, കോട്ടയം, ഇടുക്കി, പാലക്കാട്, മലപ്പുറം, കോഴിക്കോട്, വയനാട് എന്നീ ജില്ലകളിലാണ് ഇന്ന് യെല്ലോ അലേര്‍ട്ട് പ്രഖ്യാപിച്ചിരുന്നത്. സംസ്‌ഥാനത്തിന്റെ വിവിധ ഭാഗങ്ങളില്‍ ഇടിമിന്നലോട് കൂടിയ ശക്‌തമായ മഴ ഉണ്ടാകുമെന്നും അതിനാല്‍ ആളുകള്‍ ജാഗ്രത പാലിക്കണമെന്നും അധികൃതര്‍ മുന്നറിയിപ്പ് നല്‍കി.
Read also : നഗര പരിസരം മാലിന്യ കൂമ്പാരങ്ങളാകുന്നു; സ്‌ഥിതി രൂക്ഷം
