കിയോഞ്‌ജർ: ഒഡീഷയിലെ ബിജെപി എംഎൽഎ മോഹൻ മാജിയുടെ വാഹനത്തിന് നേരെ ബോംബെറിഞ്ഞ സംഭവത്തിൽ മുഖ്യ സൂത്രധാരനടക്കം അഞ്ച് പേർ അറസ്‌റ്റിൽ. രാഷ്‌ട്രീയ വൈരാഗ്യമല്ല ആക്രമണത്തിന് പിന്നിലെന്ന് പോലീസ് വ്യക്‌തമാക്കി.
പ്രതാപ് റൗട്ട്, ബ്യൂട്ട എന്ന ബിദ്യധർ പരിദ, മുന എന്ന മൻമോഹൻ ദാസ്, മിതുവ എന്ന ശരത് ചന്ദ്ര ജെന, സിഖുൽ ഷെയ്ഖ് എന്നിവരെയാണ് കിയോഞ്‌ജർ പോലീസ് അറസ്‌റ്റ് ചെയ്‌തത്. പ്രതികളിൽ നിന്ന് രണ്ട് ത്രെഡ് ബോംബുകളും ഒരു മോട്ടോർ സൈക്കിളും പോലീസ് പിടിച്ചെടുത്തിട്ടുണ്ട്. നിരവധി കേസുകളിൽ ഇവർ പ്രതികളാണെന്നും പോലീസ് അറിയിച്ചു.
അതേസമയം രാഷ്‌ട്രീയ വൈരാഗ്യമല്ല മറിച്ച് സാമ്പത്തിക ഇടപാടുകളുമായും വ്യക്‌തിപരമായ പ്രശ്‌നങ്ങളുമായും ബന്ധപ്പെട്ട മുൻ വൈരാഗ്യമാണ് ആക്രണത്തിന് പിന്നിലെന്ന് എസ്‌പി മിത്രഭാനു മൊഹാപത്ര അറിയിച്ചു.
കിയോഞ്‌ജർ ടൗൺ പോലീസ് സ്‌റ്റേഷൻ പരിധിയിലെ മണ്ടുവ പ്രദേശത്തിന് സമീപം കഴിഞ്ഞയാഴ്‌ച ഒരു തൊഴിലാളി യൂണിയൻ യോഗത്തിൽ പങ്കെടുത്ത ശേഷം വീട്ടിലേക്ക് മടങ്ങുമ്പോഴായിരുന്നു എംഎൽഎക്ക് നേരെ ആക്രമണം നടന്നത്. മോട്ടോർ സൈക്കിളിൽ സഞ്ചരിച്ച അക്രമിസംഘം വാഹനത്തിന് നേരെ ബോംബുകൾ എറിയുകയായിരുന്നു. സംഭവത്തിൽ വാഹനത്തിന് ഭാഗികമായി കേടുപാടുകൾ സംഭവിച്ചിരുന്നെങ്കിലും ആർക്കും പരിക്കേറ്റിരുന്നില്ല.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
