തിരുവനന്തപുരം: വിജിലന്സിനെ ഉപയോഗിച്ച് മുഖ്യമന്ത്രി നടത്തുന്ന രാഷ്ട്രീയ പ്രതികാരമാണ് വികെ ഇബ്രാഹിം കുഞ്ഞിന്റെ അറസ്റ്റെന്ന് പ്രതിപക്ഷ നേതാവ് രമേശ് ചെന്നിത്തല. ഇത് ജനങ്ങള് മനസിലാക്കുമെന്നും അദ്ദേഹം പറഞ്ഞു.
കാസര്കോട് ബിസിനസ് പൊളിഞ്ഞതിനാണ് കമറുദ്ദീന് എംഎല്എയെ അറസ്റ്റ് ചെയ്തത്. പിന്നീട് കെഎം ഷാജിക്കെതിരെയായി നീക്കം. ഇതിന് പിന്നാലെയാണ് ഇബ്രാഹിം കുഞ്ഞിന്റെ അറസ്റ്റ്. ഈ മൂന്ന് നടപടിയും രാഷ്ട്രീയ പ്രേരിതമാണ്. വിജിലന്സ് ഉദ്യോഗസ്ഥര് മുഖ്യമന്ത്രിയുടെ സമ്മര്ദം സഹിക്കവയ്യാതെയാണ് ഇന്ന് അറസ്റ്റിനൊരുങ്ങിയത്.
ഓരോ എംഎല്എമാരെയായി അറസ്റ്റ് ചെയ്യാനാണ് നീക്കമെങ്കില് യുഡിഎഫ് ശക്തമായി എതിര്ക്കും. ഉദ്യോഗസ്ഥര് നാളെ മറുപടി പറയേണ്ടിവരും. ഇല്ലാത്ത കഥകള് ഉണ്ടാക്കി സ്വര്ണക്കടത്തില് നിന്ന് ശ്രദ്ധതിരിക്കാനാണ് ശ്രമം. അറസ്റ്റിനെ നിയമപരമായും രാഷ്ട്രീയപരമായും നേരിടുമെന്നും രമേശ് ചെന്നിത്തല പറഞ്ഞു
Read also: പാലാരിവട്ടം അഴിമതി കേസ്; ഇബ്രാഹിം കുഞ്ഞ് അറസ്റ്റില്