ഇടുക്കി: നെടുങ്കണ്ടം രാജ്‌ കുമാർ കസ്‌റ്റഡി മരണ കേസിൽ മുൻ എസ്‌പി വേണുഗോപാലിനെ സിബിഐ വീണ്ടും ചോദ്യം ചെയ്യും. വേണുഗോപാലിന്റെ നുണ പരിശോധനാ ഫലം ലഭിച്ച സാഹചര്യത്തിലാണ് വീണ്ടും ചോദ്യം ചെയ്യുന്നത്. പൊലീസ് സ്‌റ്റേഷനിൽ വെച്ച് രാജ്‌ കുമാറിനെ അന്യായമായി മർദിച്ച കാര്യം ഇടുക്കി ജില്ലാ പോലീസ് മേധാവിയായിരുന്ന വേണുഗോപാലിന് അറിയാമായിരുന്നെന്ന നിഗമനത്തിലാണ് സിബിഐ.
അതിനിടെ മുൻ‌കൂർ ജാമ്യാപേക്ഷയുമായി വേണുഗോപാൽ കോടതിയെ സമീപിച്ചിട്ടുണ്ട്. വീണ്ടും ചോദ്യം ചെയ്യാനുള്ള സിബിഐ നീക്കത്തിനിടെയാണ് വേണുഗോപാൽ ഹൈക്കോടതിയെ സമീപിച്ചത്. എന്നാൽ വേണുഗോപാലിന്റെ ജാമ്യാപേക്ഷയെ എതിർത്ത് സിബിഐ രംഗത്തെത്തിയിട്ടുണ്ട്.
രാജ്‌കുമാറിനെ മർദ്ദിച്ചു കൊന്നതാണെന്ന് പൊലീസിലെ ഉന്നത ഉദ്യോഗസ്‌ഥർക്ക്‌ അറിയാമായിരുന്നെന്ന് സാക്ഷിമൊഴി ഉണ്ടായിരുന്നു. ഇത് സിബിഐ കോടതിയെ അറിയിച്ചിരുന്നു. സംഭവത്തിൽ 8 പൊലീസുകാരെ സിബിഐ അറസ്‌റ്റ് ചെയ്‌തിട്ടുണ്ട്‌.
സാമ്പത്തിക തട്ടിപ്പ് കേസുമായി ബന്ധപ്പെട്ട് നെടുങ്കണ്ടം പൊലീസ് കസ്‌റ്റഡിയിലെടുത്ത രാജ്‌കുമാർ ക്രൂര മർദ്ദനത്തിനെ തുടർന്ന് 2019 ജൂൺ 21ന് മരിച്ചെന്നാണ് കേസ്. ഇടുക്കിയിലെ പീരുമേട് സബ്‌ജയിലിൽ റിമാൻഡിൽ ഇരിക്കെയാണ് രാജ്‌കുമാർ മരണപ്പെട്ടത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
