വയനാട്: പുൽപ്പള്ളിയിൽ പണം വെച്ച് ചീട്ടുകളിച്ച അഞ്ചംഗ സംഘം പിടിയിൽ. വയനാട് പുൽപ്പള്ളി പാടിച്ചിറ പാച്ചിക്കവലയിൽ സ്വകാര്യ വ്യക്തിയുടെ കാപ്പിത്തോട്ടത്തിൽ പണം വെച്ച് ചീട്ടു കളിച്ച സംഘമാണ് പിടിയിലായത്. പാടിച്ചിറ സ്വദേശികളായ വർഗീസ്, ബിനോയ്, മാനന്തവാടി സ്വദേശി ജംഷീർ, തോണിച്ചാൽ സ്വദേശി ഷറഫുദ്ദീൻ, പാക്കം സ്വദേശി മനോജ് എന്നിവരാണ് പിടിയിലായത്.
സംഘത്തിൽ നിന്നും 72,000 രൂപയും പിടിച്ചെടുത്തിട്ടുണ്ട്. പുൽപ്പള്ളി എസ്ഐ ബെന്നിയുടെ നേതൃത്വത്തിലുള്ള സംഘമാണ് ഇവരെ പിടികൂടിയത്. രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് ചീട്ട് കളി സംഘത്തെ പോലീസ് പിടികൂടിയത്. പ്രതികളെ ജാമ്യത്തിൽ വിട്ടയച്ചു.
Most Read: ഈ വർഷത്തെ പ്ളസ് ടു പരീക്ഷാ ഫലം പ്രഖ്യാപിച്ചു; 83.87 ശതമാനം വിജയം