കരുളായി: അൾത്താമസമില്ലാത്ത കെട്ടിടത്തിൽ ചാരായം വാറ്റുന്നതിനിടെ 3 പേർ പിടിയിൽ. കരുളായി കിണറ്റിങ്ങൽ സ്വദേശികളായ വടക്കേ പുറത്ത് മാത്യു (42), കോലോന്തൊടിക ഉസ്‌മാൻ (56), മുണ്ടക്കടവ് കോളനിയിലെ സുനിൽ ബാബു (32) എന്നിവരെയാണ് പൂക്കോട്ടുംപാടം എസ്‌ഐ ഒകെ വേണുവും സംഘവും ചേർന്ന് പിടികൂടിയത്. ഇവരിൽ നിന്നും 20 ലിറ്റർ വാഷ് പിടികൂടി നശിപ്പിച്ചു.
ലോക്ക്ഡൗണിനെ തുടർന്ന് മദ്യവിൽപന ശാലകൾ അടച്ചതിനാൽ മലയോര മേഖലയിൽ വ്യാജമദ്യ ഉൽപാദനവും വിൽപനയും വ്യാപകമായിട്ടുണ്ട്. എഎസ്‌ഐ സുബ്രഹ്‌മണ്യൻ, സീനിയർ സിവിൽ പോലീസ് ഓഫിസർമാരായ സജിത്ത്, പി സുനിൽ, സിപിഒമാരായ ജിയോ ജേക്കബ്, എൽദോസ്, ടി നിബിൻദാസ്, എംഎസ് അനീഷ് എന്നിവരും സംഘത്തിൽ ഉണ്ടായിരുന്നു.
Read also: മഴ ശക്‌തം; മലയോര മേഖലയിൽ നാശനഷ്‌ടം വ്യാപകം
