തിരുവനന്തപുരം: പോലീസ് ആസ്ഥാനത്ത് ആൾമാറാട്ടം നടത്തിയ ഉദ്യോഗസ്ഥന് എതിരെ നടപടി. പോലീസ് ആസ്ഥാനത്തെ ജനമൈത്രി ഓഫീസിലെ ആംഡ് പോലീസ് എസ്ഐ ജേക്കബ് സൈമണിന് എതിരെയാണ് പോലീസ് കേസെടുത്തത്. എസ്ഐ ആയ ജേക്കബ് ഉന്നത പോലീസ് ഉദ്യോഗസ്ഥരുടെ പേരിൽ ആൾമാറാട്ടം നടത്തിയെന്ന് കണ്ടെത്തിയതിനെ തുടർന്നാണ് നടപടി.
ജേക്കബ് സൈമൺ ആൾമാറാട്ടം നടത്തുന്നതായി നേരത്തെ തന്നെ ആരോപണങ്ങൾ ഉയർന്നിരുന്നു. ഇതിനെ തുടർന്ന് ക്രൈം ബ്രാഞ്ചിന്റെ നിരീക്ഷണത്തിലായിരുന്നു ഇയാൾ. ജേക്കബ് സൈമണിന്റെ വീട്ടിൽ നടത്തിയ പരിശോധനയിൽ ഡിവൈഎസ്പിയുടെ യൂണിഫോമും ഡിജിപി ഉൾപ്പടെയുള്ളവരുടെ പേരിലുള്ള വ്യാജ ലെറ്റർ പാഡുകളും കണ്ടെടുത്തിരുന്നു. സംഭവത്തിൽ കൂടുതൽ അന്വേഷണം നടത്തി വരികയാണെന്നാണ് ഉദ്യോഗസ്ഥർ പറയുന്നത്.
Also Read: മുഖ്യമന്ത്രിയുടേത് വിവരക്കേട്, തന്റെ ജോലി കള്ളക്കടത്ത് നിരീക്ഷിക്കലല്ല; വി മുരളീധരന്