ന്യൂഡെൽഹി: കോവിഡ് കേസുകളിലുണ്ടായ കുറവ് കണക്കിലെടുത്ത് വിനോദസഞ്ചാര കേന്ദ്രങ്ങൾ ടൂറിസ്‌റ്റുകൾക്കായി തുറന്ന് നൽകാനൊരുങ്ങി രാജ്യം. ഇതുമായി ബന്ധപ്പെട്ട ചർച്ചകൾ പുരോഗമിക്കുകയാണ്. ഒരാഴ്‌ചയ്‌ക്കുള്ളിൽ ഔദ്യോഗിക പ്രഖ്യാപനം ഉണ്ടാകുമെന്നാണ് അധികൃതർ നൽകുന്ന സൂചന.
ടൂറിസം, ഹോസ്‌പിറ്റാലിറ്റി, വ്യോമയാന എന്നീ മേഖലകളെ പുനരുജ്‌ജീവിപ്പിക്കുന്നതിന്റെ ഭാഗമായി ആദ്യത്തെ അഞ്ച് ലക്ഷം വിനോദസഞ്ചാരികൾക്ക് സൗജന്യ വിസ അനുവദിക്കുമെന്ന് റിപ്പോർട്ടുകളുണ്ട്. 2022 മാർച്ച് 31 വരെ സൗജന്യ വിസ നൽകാനാണ് കേന്ദ്ര സർക്കാർ ആലോചിക്കുന്നത്. ഇതിനായി ഏകദേശം 100 കോടി രൂപയുടെ ചെലവാണ് കണക്കാക്കിയിരിക്കുന്നത്.
പുതിയ പദ്ധതിയിലൂടെ ഹ്രസ്വകാല വിനോദ സഞ്ചാരികളെ പ്രോൽസാഹിപ്പിക്കാനാകുമെന്ന് ഉദ്യോഗസ്‌ഥർ പറയുന്നു. വാക്‌സിനേഷൻ പൂർത്തിയാക്കിയവർക്ക് മാത്രമാകും ആദ്യഘട്ടത്തിൽ പ്രവേശനം അനുവദിക്കുക. ഘട്ടംഘട്ടമായി നിയന്ത്രണങ്ങളിൽ മാറ്റമുണ്ടാകുമെന്നും അധികൃതർ പറയുന്നു. കോവിഡ് വ്യാപനം രൂക്ഷമായതോടെ 2020 മാർച്ചിലാണ് രാജ്യത്ത് ടൂറിസ്‌റ്റുകൾക്ക് അനുമതി നിഷേധിച്ചത്. ഇന്ത്യയെ കൂടാതെ യൂറോപ്പും മറ്റുചില രാജ്യങ്ങളും ടൂറിസത്തിനായി തുറന്നിട്ടുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
