മുംബൈ: ഇന്ത്യയുടെ വെസ്‌റ്റ് ഇൻഡീസ് പര്യടനം ജൂലായ് 22 മുതൽ. അഞ്ച് ടി-20 മൽസരങ്ങളും മൂന്ന് ഏകദിന മൽസരങ്ങളുമാണ് പര്യടനത്തിലുള്ളത്. ട്രിനിഡാഡിലെ ക്വീൻസ് പാർക്ക് ഓവലിലാണ് ഏകദിന മൽസരങ്ങൾ നടക്കുക. ടി-20 മൽസരങ്ങൾ മൂന്ന് സ്‌റ്റേഡിയങ്ങളിലായാണ്.
അവസാന രണ്ട് ടി-20 മൽസരങ്ങൾ അമേരിക്കയിലെ ഫ്ളോറിഡയിലാണ്. ജൂലായ് 22, 24, 27 തീയതികളിലാവും ഏകദിന മൽസരങ്ങൾ. 29ന് ആദ്യ ടി-20 നടക്കും. പുതുതായി നിർമിച്ച ബ്രയാൻ ചാൾസ് ലാറ സ്‌റ്റേഡിയത്തിലാവും മൽസരം.
ഓഗസ്‌റ്റ് 1, 2 തീയതികളിലായ സെന്റ് കിറ്റ്സ് ആൻഡ് നെവിസിലെ വാർണർ പാർക്കിൽ അടുത്ത രണ്ട് മൽസരങ്ങൾ നടക്കും. ഓഗസ്‌റ്റ് 6, 7 തീയതികളിൽ ഫ്ളോറിഡയിലെ ഫോർട്ട് ലോഡെർഡെയിലിലാവും അവസാനത്തെ രണ്ട് മൽസരങ്ങൾ. ഇംഗ്ളണ്ട് പര്യടനത്തിനു ശേഷം ജൂലായ് 18നാണ് ഇന്ത്യൻ ടീം ട്രിനിഡാഡിലേക്ക് തിരിക്കുക.
Read Also: കേരള ഐടി പാർക്ക് സിഇഒ ജോൺ എം തോമസ് സ്‌ഥാനമൊഴിയുന്നു
