ന്യൂഡെൽഹി: പ്രധാനമന്ത്രി നരേന്ദ്ര മോദി ഇന്നലെ അനാച്ഛാദനം ചെയ്‌ത പുതിയ പാർലമെന്റ് മന്ദിരത്തിന് മുകളിലെ അശോക സ്‌തംഭത്തിനെതിരെ തൃണമൂൽ കോൺഗ്രസ് നേതാക്കൾ. ‘ആക്രമണാത്‌മകവും’ ‘ആനുപാതികമല്ലാത്തതുമായ’ സാദൃശ്യം സ്‌ഥാപിച്ച് മോദി സർക്കാർ ദേശീയ ചിഹ്‌നത്തെ അപമാനിക്കുകയാണെന്ന് തൃണമൂൽ കോൺഗ്രസ് എംപിമാരായ ജവഹർ സിർകാറും മഹുവ മൊയ്‌ത്രയും ആരോപിച്ചു.
“നമ്മുടെ ദേശീയ ചിഹ്‌നമായ മഹനീയമായ അശോക സ്‌തംഭത്തെ അപമാനിക്കുന്നു. യഥാർഥ അശോക സ്‌തംഭം ഇടതുവശത്താണ്, ഭംഗിയുള്ളതും ആത്‌മ വിശ്വാസമുള്ളതുമാണ്. വലതുവശത്തുള്ളത് പുതിയ പാർലമെന്റ് മന്ദിരത്തിന് മുകളിൽ വെച്ചിരിക്കുന്നത് മോദിയുടെ പതിപ്പാണ്- മുറുമുറുപ്പും അനാവശ്യമായ ആക്രമണാത്‌മകവും ആനുപാതികമല്ലാത്തതുമാണ്. ലജ്‌ജാകരം! ഉടൻ മാറ്റുക!”- തൃണമൂൽ കോൺഗ്രസ് രാജ്യസഭാ എംപി ജവഹർ സിർകാർ ട്വിറ്ററിൽ കുറിച്ചു.
Insult to our national symbol, the majestic Ashokan Lions. Original is on the left, graceful, regally confident. The one on the right is Modi’s version, put above new Parliament building — snarling, unnecessarily aggressive and disproportionate. Shame! Change it immediately! pic.twitter.com/luXnLVByvP
— Jawhar Sircar (@jawharsircar) July 12, 2022
പുതിയ പാർലമെന്റ് മന്ദിരത്തിന്റെ മുകളിൽ സ്‌ഥാപിച്ചിട്ടുള്ള അശോകസ്‌തംഭം ഒരു മുൻകാല ശിൽപവുമായി താരതമ്യം ചെയ്‌തുകൊണ്ട് ലോക്‌സഭാ എംപി മഹുവ മൊയ്‌ത്ര ട്വീറ്റ് ചെയ്‌തു. പഴയതിന്റെയും പുതിയ ശിൽപത്തിന്റെയും ചിത്രങ്ങളായിരുന്നു മഹുവ ട്വീറ്റ് ചെയ്‌തത്‌.
— Mahua Moitra (@MahuaMoitra) July 12, 2022
Most Read: നടിയെ ആക്രമിച്ച കേസിലെ വെളിപ്പെടുത്തൽ; ശ്രീലേഖയ്‌ക്ക് എതിരെ അന്വേഷണം തുടങ്ങി
