ഇസ്ലാമാബാദ്: പാകിസ്ഥാനിലെ പെഷവാറിൽ ഇന്റലിജൻസ് ബ്യൂറോ ഉദ്യോഗസ്ഥർക്ക് നേരെയുണ്ടായ വെടിവെപ്പിൽ ഒരാൾ കൊല്ലപ്പെട്ടു. ഐബിയിലെ അസിസ്റ്റന്റ് സബ് ഇൻസ്പെക്ടർ നജ്ബീർ റഹ്മാനാണ് കൊല്ലപ്പെട്ടത്. മറ്റൊരു ഉദ്യോഗസ്ഥൻ അമാനുള്ള, സഹോദരൻ ജുനൈദ് ബാഗ്ദാദി എന്നിവർക്ക് പരുക്കേറ്റതായി പ്രാദേശിക മാദ്ധ്യമങ്ങൾ റിപ്പോർട് ചെയ്തു.
യകറ്റൂട്ട് പ്രദേശത്ത് അത്താഴം കഴിഞ്ഞ് കാറിൽ കയറുന്നതിനിടെയാണ് ഉദ്യോഗസ്ഥർക്ക് നേരെ അജ്ഞാതൻ വെടിയുതിർത്തത്. ആക്രമണത്തിൽ പരുക്കേറ്റ ആശുപത്രിയിലേക്ക് കൊണ്ടുപോകും വഴിയാണ് നജ്ബീർ മരണപ്പെട്ടത്. ആക്രമണത്തിൽ തീവ്രവാദ വിരുദ്ധ വകുപ്പ് എഫ്ഐആർ രജിസ്റ്റർ ചെയ്തിട്ടുണ്ട്. ഏപ്രിലിൽ സെക്യൂരിറ്റി ചെക്ക്പോസ്റ്റിനു നേരെയുണ്ടായ ആക്രമണത്തിലും ഒരു ഐബി ഉദ്യോഗസ്ഥൻ കൊല്ലപ്പെട്ടിരുന്നു.
Read also: രാജസ്ഥാനിൽ വാഹനാപകടം; ഒരു കുടുംബത്തിലെ 5 പേർ കൊല്ലപ്പെട്ടു