ജയ്പൂർ: രാജസ്ഥാനിൽ കാറുകൾ കൂട്ടിയിടിച്ചുണ്ടായ അപകടത്തിൽ ഒരു കുടുംബത്തിലെ 5 പേർ കൊല്ലപ്പെട്ടു. 16നും 22നും ഇടയിൽ പ്രായമുള്ളവരാണ് കൊല്ലപ്പെട്ടത്. സംഭവത്തിൽ 7 പേർക്ക് പരുക്കേൽക്കുകയും ചെയ്തു. ഭരത്പൂർ ജില്ലയിൽ ബർഖേദ ഗ്രാമത്തിന് സമീപം ഇന്നലെ രാത്രിയാണ് സംഭവം.
മാർക്കറ്റിൽ നിന്ന് മടങ്ങും വഴി യുവാക്കൾ സഞ്ചരിച്ചിരുന്ന കാർ എസ്യുവിയുമായി കൂട്ടിയിടിക്കുകയായിരുന്നു. മരിച്ചവരിൽ ഒരാളുടെ വിവാഹം എട്ട് ദിവസം മുൻപാണ് കഴിഞ്ഞതെന്നും അസിസ്റ്റന്റ് പൊലീസ് സൂപ്രണ്ട് രഘുവീർ സിംഗ് പറഞ്ഞു. അപകടത്തിൽ എസ്യുവിയിലെ 7 യാത്രക്കാർക്ക് പരുക്കേറ്റു. ഇവരെ അൽവാർ ജില്ലാ ആശുപത്രിയിൽ പ്രവേശിപ്പിച്ചു.
Read also: എംവി ജയരാജനെതിരെ പരാതി നൽകി യൂത്ത് കോൺഗ്രസ്