കണ്ണൂർ: സിപിഎം കണ്ണൂർ ജില്ലാ സെക്രട്ടറി എംവി ജയരാജനെതിരെ പോലീസിൽ പരാതി നൽകി യൂത്ത് കോൺഗ്രസ്. കെപിസിസി പ്രസിഡണ്ട് കെ സുധാകരനെതിരായ എംവി ജയരാജന്റെ പ്രസ്താവന കലാപമുണ്ടാക്കണമെന്ന ദുഷ്ടലാക്കോടെ ആണെന്നാണ് യൂത്ത് കോൺഗ്രസ് ആരോപണം.
പന്തീരാണ്ട് കാലം പട്ടിയുടെ വാല് കുഴലിലിട്ടാലും നേരെയാകില്ലെന്നും, ഇതുപോലെ കെപിസിസി പ്രസിഡണ്ട് കെ സുധാകരനെ എത്രകാലം കുഴലിലിട്ടാലും നേരെയാക്കാൻ കോൺഗ്രസിന് കഴിയില്ലെന്നുമായിരുന്നു എംവി ജയരാജന്റെ പരാമർശം.
മുഖ്യമന്ത്രി പിണറായി വിജയനെതിരായ സുധാകരന്റെ പരാമർശങ്ങളോട് പ്രതികരിക്കവേയാണ് എംവി ജയരാജൻ ഇത്തരത്തിൽ പ്രതികരിച്ചത്. ധിക്കാരവും അധിക്ഷേപവുമാണ് കെ സുധാകരന്റെ മുഖമുദ്ര. താൻ കഴിഞ്ഞേയുള്ളു മറ്റാരും എന്നതാണ് സുധാകരന്റെ നിലപാടെന്നും ജയരാജൻ കുറ്റപ്പെടുത്തിയിരുന്നു.
Read also: നടിയെ ആക്രമിച്ച കേസ്; ഷേഖ് ദര്വേഷ് സാഹിബിന് അന്വേഷണ ചുമതല