മുംബൈ: ഐപിഎല്ലിൽ പഞ്ചാബ് കിംഗ്‌സും ചെന്നൈ സൂപ്പർ കിംഗ്‌സും ഇന്ന് കൊമ്പുകോർക്കും. ഇതുവരെയുള്ള യാത്ര ഇരുടീമുകൾക്കും ശുഭകരമായിരുന്നില്ല. ടൂർണമെന്റിൽ ജയത്തോടെ തുടക്കം കുറിച്ച പഞ്ചാബ് കഴിഞ്ഞ രണ്ട് മൽസരങ്ങളിലും പരാജയപ്പെട്ടു. എന്നാൽ തുടർച്ചയായി 5 മൽസരങ്ങൾ തോറ്റ ചെന്നൈ വീണ്ടും വിജയവഴിയിൽ തിരിച്ചെത്തി. രാത്രി 8ന് മുംബൈയിലെ വാങ്കഡെ സ്‌റ്റേഡിയത്തിലാണ് മൽസരം.
കഴിഞ്ഞ കളിയിൽ ഡെൽഹി ക്യാപിറ്റൽസിനെതിരെ പഞ്ചാബ് വമ്പൻ തോൽവി ഏറ്റുവാങ്ങിയിരുന്നു. ആറ് ബാറ്റർമാരുമായും അഞ്ച് ബൗളർമാരുമായും കളിക്കാനുള്ള തന്ത്രം അമ്പേ പരാജയപ്പെട്ടു. അതിനാൽ ഇന്ന് പ്ളേയിംഗ് ഇലവനിൽ മാറ്റങ്ങൾ വരുത്താൻ സാധ്യതയുണ്ട്. 7 മൽസരങ്ങളിൽ നിന്ന് 6 പോയിന്റുള്ള പഞ്ചാബ് 8ആം സ്‌ഥാനക്കാരാണ്. 4 തോൽവിയും 3 ജയവുമാണ് പഞ്ചാബിനുള്ളത്.
മറുവശത്ത് മുംബൈ ഇന്ത്യൻസിനെതിരെ ത്രസിപ്പിക്കുന്ന ജയം സ്വന്തമാക്കിയാണ് ചെന്നൈയുടെ വരവ്. കഴിഞ്ഞ മൽസരത്തിലെ എംഎസ് ധോണിയുടെ പ്രകടനം ആവർത്തിക്കുമെന്ന പ്രതീക്ഷയിലാണ് സിഎസ്‌കെ. നിലവിലെ ടീമിൽ മാറ്റങ്ങൾ വരുത്താനുള്ള സാധ്യത കുറവാണ്. ഐപിഎല്ലിൽ ചെന്നൈ സൂപ്പർ കിംഗ്‌സും പഞ്ചാബും ഇതുവരെ 26 മൽസരങ്ങൾ കളിച്ചിട്ടുണ്ട്. ഇതിൽ 15 മൽസരങ്ങളിൽ ചെന്നൈ ജയിച്ചപ്പോൾ 11 കളികൾ പഞ്ചാബ് ജയിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
