പാലക്കാട്: ആര്എസ്എസ് നേതാവ് ശ്രീനിവാസന് കൊലക്കേസിൽ കൂടുതല് അറസ്റ്റ് ഇന്നുണ്ടായേക്കും. കൊലപാതകത്തില് നേരിട്ട് പങ്കെടുത്ത പ്രതികളുടെ വീടുകളിൽ പോലീസ് വ്യാപക പരിശോധന നടത്തിയിരുന്നു. കൃത്യത്തില് നേരിട്ട് പങ്കെടുത്ത ചിലര് കസ്റ്റഡിയിലായെന്നാണ് സൂചന.
അതിനിടെ ഇന്നലെ അറസ്റ്റിലായ കൊലപാതകത്തില് നേരിട്ട് പങ്കാളിയായ അബ്ദുള് ഖാദര് എന്ന ഇക്ബാലിന്റെ തെളിവെടുപ്പ് ഇന്ന് നടക്കും.പ്രതി ഒളിവില് കഴിഞ്ഞിരുന്ന കോങ്ങാട് മേഖലയിലാണ് തെളിവെടുപ്പ് നടക്കുക.
ഒൻപത് പേരെയാണ് ഇതുവരെ കേസില് അറസ്റ്റ് ചെയ്തത്. പ്രതികള് സഞ്ചരിച്ച വാഹനങ്ങളും കസ്റ്റഡിയിലായതായും സൂചനയുണ്ട്. അതേസമയം, സുബൈര് വധക്കേസില് അറസ്റ്റിലായ മൂന്ന് പ്രതികളെ കസ്റ്റഡിയില് വാങ്ങാനുള്ള നീക്കം അന്വേഷണ സംഘം ഉടൻ ആരംഭിക്കും.
Read Also: വെസ്റ്റ് ആഫ്രിക്കയിൽ ഭീകരാക്രമണം; സൈനികരടക്കം 15പേർ കൊല്ലപ്പെട്ടു